Norma, izina ry’umuntu ubaza ibibazo byinshi

Yanditswe na IGIHE
Kuya 29 Nzeri 2017 saa 07:24
Yasuwe :
0 0

Norma ni izina rihabwa umwana w’umukobwa, iyo ari umuhungu yitwa Norman cyangwa se Normand. Rifite inkomoko mu Kilatini rikaba risobanura ukomoka mu mujyaruguru hari n’aho risobanura itegeko.

Bimwe mu Biranga ba Norma

Ni umuntu ugira ibanga bihambaye, ni umugore w’icyerekezo ukora ibintu mu buryo bwe yitonze ariko akamenya ko abikoze neza. Ni umuhanga usanga yibaza kuri buri kintu cyose, akagisesengura ndetse abaza ibibazo byinshi byaba ibyoroheje ndetse n’ibicanganyikisha abantu.

Nubwo atuje ariko Norma agira amakare ku muntu wese ugaragaza ko atamushyigikiye cyangwa se witandukanya n’igitekerezo cye. Ni umuntu udakunda ibyo gucyekeranya, afata umwanya we akagenzura ndetse usanga ari n’umuntu ukunda gusoma ibitabo, ntagire ubute.

Nubwo avuga macye akunda gusabana no kuba hamwe n’abandi mu gihe cyabyo. Akunda gukora ubushakashatsi, gutsura umubano n’abandi no gushakisha icyazana amahoro.

Aziko ubuzima atari inzira igororotse niyo mpamvu mu bibazo n’ibyishimo akomeza kumva ko agifite agaciro akagerageza kwiha akanyabugabo. Iyo ari mu rukundo abigira ibanga , ntabwo abisakaza kandi iyo bibaye ngombwa ahitamo kuba yaba wenyine aho kuba ari kumwe n’inshuti atizera cyangwa imuryarya.

Iyo akiri umwana aba ashimishije agakunda guteteshwa kugira ngo yisanzure ku bantu. Mu buto bwe usanga abaza ibibazo byinshi bisa nko gutesha umutwe, ababyeyi be baba bagomba kumusubiza buri kibazo yibaza ndetse bagatuma arushaho kunguka ubumenyi kubyo adasobanukiwe byose. Aba akeneye kwigishwa gusaranganya n’abandi hakiri kare kugira ngo atazakurana uwo muco wo kwikubira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza