Imitoma ya Miss Akacu Lynca ku isabukuru y’amavuko y’umusore yihebeye

Yanditswe na Uwiduhaye Theos
Kuya 14 Gicurasi 2019 saa 11:35
Yasuwe :
0 0

Akacu Lynca wabaye igisonga cya kabiri cya Nyampinga w’u Rwanda mu 2015 yahundagaje imitoma ku mukunzi we ku munsi w’isabukuru ye y’amavuko ashimangira ko ntawe umumurutira.

Guy Alain umusore ukundana na Akacu, buri wa 13 Gicurasi ni umunsi yaboneyeho izuba.

Alain na Akacu bamaze imyaka ibiri bakundana ariko uko iyi tariki igarutse, uyu mukobwa arirekura akagaragaza amarangamutima ye kuri uyu musore wamurutiye abandi bose.

Ubutumwa bwe yabunyujije kuri Instagram agaragaza ko umukunzi we ari uw’ingenzi cyane mu buzima bwe ndetse ariwe muntu wihariye yahuye nawe ubuzima bugahinduka.

Ati “Iyo uba udahari sinari kuba ndi aho ndi ubu, aho turi ubu.”

Mu nyandiko ye igaragaramo ibyishimo, Akacu yarondoye impamvu yihebeye uyu musore.

Ati “ Nkukundira ko uri umunyabwenge, umunyakuri, uri mwiza, untera imbaraga, uri inyangamugayo, wita ku mubano wacu neza kandi ufite intumbero nk’uko utwara imodoka cyangwa ukirigita gitari.”

Yunzemo ati “Kuko utuma nseka, kuko umbwira ko ndi mwiza buri munsi n’ubwo bitaba ari byo. Nkukunda kurusha impumuro ya gaz na essence, kurusha amazi n’ibiti ndete no kurusha cyane indabo. Uranyizereramo niyo nsa n’uwiyibagiwe uranyibutsa, buri gihe ubona iby’agahebuzo muri njye. Uretse Yesu ni wowe kintu cyiza cyambayeho mu buzima bwanjye nkunda ubuzima twahanze n’urugendo turimo. ”

Guy Alain watwaye uruhu n’uruhande Akacu ni umwe mu bagize itsinda rya muzika riririmba indirimbo zo kuramya no guhimbaza “Alive and Freed.”

Ubwo uyu musore yizihizaga isabukuru ye y’amavuko mu mwaka ushize ntiyari yakambitse impeta y’urukundo Akacu ariko ubu hagaragara impeta ku rutoki rwa mukubitarukoko, bishoboka ko n’ubukwe bwabo buri hafi.

Miss Akacu Lynca afite imyaka 22. Yabaye igisonga cya kabiri cya Miss Rwanda akurikiye Uwase Vanessa Raïssa wabaye igisonga cya mbere. Bombi bari bagaragiye Kundwa Doriane watowe nka Nyampinga w’u Rwanda mu 2015.

Akacu Lynca n'umukunzi we Alain bibereye mu ijuru rito
Akacu Lynca yimariyemo Alain
Akacu Lynca yambaye impeta igaragaza ko yafashwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza