U Buhinde: Abantu bane bapfuye barohamye mu cyuzi ubwo bifataga ‘selfie’

Yanditswe na Bukuru JC
Kuya 8 Ukwakira 2019 saa 04:50
Yasuwe :
0 0

Umugore wari uherutse gushyingirwa hamwe n’abantu batatu bo mu muryango we barohamye mu cyuzi ubwo bageragezaga kwifata amafoto na telephone zigezweho ibizwi nka ‘selfie’.

Igitangazamakuru The Hindu cyanditse ko ku cyumweru gishize muri Leta ya Tamil Nadu, mu Buhinde, umugabo n’umugore bari baherutse gukora ubukwe bari bagiye gusura benewabo mu Mujyi wa Uthangarai, bajyanye na mushiki w’uwo mugabo.

Uko ari batatu bagiye mu mazi bose ndetse n’abo bavukana bakiri bato batatu. Bose uko bari batandatu bari bafatanye mu biganza bahagaze mu mazi abagera mu rukenyerero hafi y’ikidendezi cya Pambar.

Umuhungu w’imyaka 14 y’amavuko yaranyereye akurura na bashiki be babiri, umwe w’imyaka 18 n’undi w’imyaka 19, n’uwo mugore wari uherutse gushyingirwa na muramukazi we.

Polisi yo muri Leta ya Tamil Nadu mu Majyepfo y’u Buhinde, yavuze ko abapfuye umugabo w’uwo mugore yashoboye kurokora mushiki we ariko abandi bane bo bararohama.

U Buhinde ni cyo gihugu cya mbere ku Isi kimaze gupfamo abantu benshi kurusha ibindi bazize ‘selfie’. Hagati ya 2011 na 2017, hafi kimwe cya kabiri cy’abantu 259 byatangajwe ko bazize ‘selfie’ bari abo mu Buhinde.

Ubushakashatsi bwakozwe n’ikigo National Library for Medicine cyo muri Amerika. U Buhinde bukurikirwa n’u Burusiya, Amerika na Pakistan.

Icyuzi gihangano barohamyemo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza