Mahamat uyobora Komisiyo ya AU yashimye uko RDC yitwaye mu gukumira Ebola

Yanditswe na Evariste Nsengimana
Kuya 29 Nyakanga 2018 saa 08:55
Yasuwe :
0 0

Umuyobozi wa Komisiyo ya Afurika Yunze Ubumwe(AU), Moussa Faki Mahamat, yakiranye yombi itangazo rya Repubulika Iharanira Demokarasi ya Congo rivuga ko nta cyorezo cya Ebola kikibarizwa ku butaka bwayo, ashima uburyo yitwaye, cyane cyane itanga ubutabazi bw’ibanze.

Mu ntangiriro za Gicurasi uyu mwaka nibwo RDC yatangaje ko ku butaka bwayo, mu Majyaruguru ashyira Uburengerazuba, hongeye kugaragara Ebola.

Icyo gihe ifatanyije n’abandi bafatanyabikorwa barimo n’Ishami ry’Umuryango w’Abibumbye, AU, ikigo gishinzwe gukumira indwara muri Afurika n’abandi bahise batangira gushyikiriza ubutabazi bw’ibanze abatuye muri ako gace, hagamijwe gukumira ko ikomeza gukwirakwira.

Muri Nyakanga uyu mwaka, nyuma y’iminsi 42 nibwo RDC yatangaje ko nta murwayi mushya wa Eboka ukiharangwa.

Itangazo Mahamat yashyize ahagaragara kuri uyu wa 26 Nyakanga, rigaragaza ko yishimiye uburyo Guverinoma ya RDC yitwaye muri icyo kibazo, anashima uko yagerageje gufasha abanyagihugu batuye aho yagaragaye.

Muri ubwo butabazi bw’ibanze harimo kohereza itsinda ry’abaganga bahuguye abandi basaga 300 uburyo bwo kwita ku murwayi wa Ebola, gutanga imiti, imashini zifashishwa kuyihashya n’ibindi.

AU yasezeranyije RDC ko izakomeza kuyiba hafi mu bugenzuzi bw’iminsi 90 nyuma y’uko hatangajwe ko iyo ndwara itakihagaragara, aho yari yibanze mu duce twa Bikoro, Iboko na Wangata duherereye mu Ntara ya Equateur yagaragayemo abarwayi bayo basaga 50 ndetse abasaga 30 bakicwa n’indwara zifitanye isano nayo.

Umuyobozi wa Komisiyo ya Afurika Yunze Ubumwe(AU), Moussa Faki Mahamat, yashimye uko RDC yitwaye mu gukumira Ebola

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza