RDC: Abantu 41 bamaze guhitanwa n’icyorezo cya Ebola

Yanditswe na Emma-Marie Umurerwa
Kuya 15 Kanama 2018 saa 03:28
Yasuwe :
0 0

Icyorezo cya Ebola cyagaragaye muri Repuburika iharanira Demokarasi ya Congo (RDC) kimaze guhitana abantu 41 mu majyaruguru ashyira Uburasirazuba bw’icyo gihugu.

Ishami ry’Umuryango w’Abibumbye ryita ku buzima OMS ryatangaje ko kugeza tariki ya 14 Kanama 2018, abantu 41 aribo bamaze kumenyekana ko bamaze guhitanwa n’icyorezo cya Ebola cyongeye kugaragara muri icyo gihugu.

Inkuru dukesha Parismatch ivuga ko inzego zishinzwe ubuzima muri Congo hamwe na OMS bemeje ko hari abantu 41 bapfuye barimo 14 bapimwe muri Laboratwari bikagaragara ko bishwe na Ebola, mu gihe abandi bapfuye ntibishoboke ko bapimwa.

Minisiteri y’Ubuzima yavuze ko ubwo iki cyorezo cyongeraga kugaragara muri uku kwezi, abantu 57 ari bo bagaragaweho n’iyi ndwara mu Mujyi wa Beni muri Kivu y’Amajyaruguru, harimo 30 byemejwe ko ari Ebola barwaye naho abandi 27 bakaba bagishidikanywaho.

Ni ku nshuro ya mbere icyorezo cya Ebola kigabije abantu bo mu gace gatuwe cyane guhera mu 1976. Mu mwaka wa 2013 yahitanye abantu basaga ibihumbi 11 muri Liberia, Guinea na Sierra Leone abandi ibihumbi n’ibihumbi barayirokoka ariko babana n’ingaruka zayo igihe kitari gito.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza