RDC: Uwari Minisitiri w’ubuzima yatawe muri yombi akekwaho kunyereza amafaranga yo kurwanya Ebola

Yanditswe na IGIHE
Kuya 14 Nzeri 2019 saa 07:57
Yasuwe :
0 0

Uwahoze ari Minisitiri w’Ubuzima muri Repubulika Iharanira Demokarasi ya Congo (RDC), Oly Ilunga, yatawe muri yombi kubera ibyo akekwaho byo kunyereza amafaranga ya leta yari agenewe kurwanya icyorezo cya Ebola.

Kuri uyu wa Gatandatu nibwo Polisi yatangaje itabwa muri yombi rya Ilunga, weguye muri Nyakanga nyuma yo kwamburwa inshingano zo kuyobora akanama ko kurwanya Ebola.

Polisi yatangaje ko yafatiwe aho yari yihishe mu nyubako iri i Kinshasa, yitegura guhunga igihugu.

Umuvugizi wa Polisi, Col Pierrot Rombaut Mwanamputu yabwiye AFP ko ‘afunzwe kubera imikorere mibi yo gucunga nabi inkunga yagenewe kurwanya Ebola”,

Yavuze kandi ko kuwa Mbere Ilunga azashyikirizwa ubushinjacyaha. Yatawe muri yombi nyuma y’uko muri Kanama yari yahaswe ibibazo ku micungire y’inkunga yo kurwanya Ebola, imaze guhitana abarenga 2000 kuva muri Kanama 2018.

Ilunga w’imyaka 59, yari yarabujijwe kuva mu gihugu. Yeguye nyuma yo kunenga gahunda za OMS zo gutangiza gukoresha urukingo rushya rutari rwemezwa mu kurwanya Ebola.

Ebola imaze guhitana abarenga 2000 muri RDC, ikaba ari icyorezo cya kabiri kibi mu mateka nyuma yo kwica abarenga 11 000 muri Guinea, Sierra Leone na Liberia hagati ya 2014 na 2016.

Ilunga arakekwaho kunyereza amafaranga yo kurwanya Ebola

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza