Abize ku Nyundo bihariye ibikombe n’imidari mu marushanwa yo gushakisha impano mu rubyiruko (Video)

Yanditswe na Tombola Felicie
Kuya 21 Ugushyingo 2017 saa 11:50
Yasuwe :
1 0

Nyuma y’amezi atatu umuryango utegamiye kuri leta UMC (Umurage Communication for Development) uzenguruka hirya no hino mu gihugu mu gushakisha impano ziri mu rubyiruko ngo rushyigikirwe, ibihembo byinshi byatwawe n’abize mu ishuri ry’umuziki rya Nyundo.

Mu marushanwa yo gushakisha impano ziri mu rubyiruko mu bikombe bine byatanzwe, bibiri byatwawe n’abize mu ishuri ry’umuziki rya Nyundo, abandi babiri bwatwara umudari n’amafaranga.

Ni amararushanwa yaberaga ku bigo by’urubyiruko aho UMC yakoreye amajonjora i Huye, Ngoma, Rubavu, Gasabo na Nyarugenge maze hakaboneka abagomba guhatana ku rwego rw’igihugu mu buhanzi bw’indirimbo, imivugo n’ikinamico.

Abarushanyijwe bagombaga gutambutsa ubutumwa bwabo bibanze ku nsanganyamatsiko enye ikinamico ‘Umurage’ ishingiyeho ari zo guharanira uburenganzira bw’abana (kubarinda imirire mibi, guta ishuri n’imirimo ivunanye), kurwanya ihohoterwa rikorerwa mu ngo n’ubuzima bw’imyororokere.

Nikeza Alice umwe mu itsinda ‘Imirasire’ rikora umuziki rigizwe n’abarangirije amasomo ku Nyundo, yavuze ko bishimiye guhabwa igikombe, amafaranga ndetse no kuzatunganyirizwa indirimo yabo muri studio.

Ati “Kuba urubyiruko rwaragaragaje impano ni ibintu byiza ahubwo twifuza ko twagira abadushyigikira benshi impano zigakoreshwa. Byaradushimishije cyane kuko bwari ubwa mbere turushanwa tukagera ku rwego rw’igihugu bigaragaza rero ko kuba twaratojwe bituma tugira itandukaniro n’abandi.”

Shya Jean Pierre wegukanye igikombe mu ikinamico y’umuntu umwe yatangaje ko bitari byoroshye ariko kubwo kudasinzira kwe yabashije kwegukana igikombe.

Umwanditsi Mukuru w’Ikinamico Umurage akaba n’Umunyamategeko w’Ikigo Umc, Twahirwa Alfred, yatangaje ko nk’umuryango utegamiye kuri leta bakora n’ibindi bikorwa bitandukanye nko kwegera urubyiruko akaba ari yo mpamvu y’icyo gikorwa cyo gushakisha impano rwifitemo.

Mu bikombe bine byatanzwe bibiri ,imidari ibiri ndetse n’undi umwe wabonye amafaranga, byegukanywe n’abize ku Nyundo.

Miliyoni umunani z’amafaranga y’u Rwanda ni yo yakoreshejwe mu mezi atatu y’irushanwa ryo gutoranya abanyempano mu rubyiruko.

Abakurikiranye amarushanwa yo gushakisha impano mu rubyiruko
Bamwe mu bahize abandi bahabwa ibikombe
Ibikombe byatanzwe ku bagaragaje impano zihiga iz'abandi

[email protected]


Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza