Huye: Inkuba yakubise umugabo w’imyaka 32 yitaba Imana

Yanditswe na Prudence Kwizera
Kuya 14 Nzeri 2019 saa 11:32
Yasuwe :
0 0

Umuturage witwa Mpumuje Jonathan wo mu Murenge wa Huye mu Kerere ka Huye yakubiswe n’inkuba yitaba Imana kuri uyu wa Gatanu.

Byabaye mu mvura nyinshi yaguye mu bice bitandukanye by’igihugu mu masaha y’ikigoroba kuri uyu wa Gatanu tariki 13 Nzeri 2019.

Mpumuje w’imyaka 32 y’amavuko yari asanzwe atuye mu Mudugudu w’Agasharu mu Kagari ka Rukira; asize umugore n’umwana umwe.

Umunyamabanga Nshingwabikorwa w’Akagari ka Rukira, Nsanzimana Gad, yabwiye IGIHE ko inkuba yamukubitiye aho yari yagiye kugama ku muturanyi.

Ati “Imvura yaguye ari mu nzira ajya kugama, inkuba yamukubitiye ahantu yari yugamye. Yari yugamye hamwe n’abandi ariko ni we yakubise wenyine.”

Inkuba ikimara kumukubita bahise bamujyana ku Bitaro bya Kaminuza bya Butare, CHUB, kuko yari agihumeka ariko ahagejejwe yitaba Imana.

Mu bihe by’imvura inkuba ikunze gukubita abantu mu Rwanda cyane cyane mu batuye mu bice by’imisozi miremire.

Mu mwaka wa 2018 mu mezi abiri gusa yakubise abantu 21 bo mu turere twa Nyaruguru, Nyamagabe, Huye, Gisagara na Nyanza.

Nyuma yaho Minisiteri y’Ubutegetsi bw’Igihugu (Minaloc) yatangaje ko mu bice bitandukanye bikunze kwibasirwa n’inkuba ndetse n’ahantu hahurira abantu benshi hagiye gushyirwa imirindankuba mu rwego rwo kurinda abaturage n’ibyabo

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza