Itsinda ry’abasirikare bo muri Sri Lanka ryasobanuriwe uko u Rwanda rubungabunga umutekano

Yanditswe na Claude Bazatsinda
Kuya 16 Kanama 2017 saa 06:13
Yasuwe :
0 0

Itsinda ry’abasirikare 16 bo muri Sri Lanka bari mu ruzinduko mu Rwanda basuye ikigo cy’amahoro kiri Nyakinama mu Karere ka Musanze, bemeza ko mu Rwanda bahigiye byinshi birimo no kubungabunga umutekano.

Col. Kithsiri Ekanayake uyoboye iri tsinda yavuze ko mu Rwanda hari byinshi bahigiye by’umwihariko kubungabunga umutekano mpuzamahanga.

Yagize ati “ Urebye aho u Rwanda rwavuye mu ntambara n’amateka mabi ya genoside ukareba aho rugeze mu bumwe n’ubwiyunge, ni igihugu cy’intangarugero mu mutekano haba hirya no hino mu butumwa mpuzamahanga birigaragaza, natwe twishimiye kurwigiraho kandi tuzafatanya no mu bindi.”

Umuyobozi w’ikigo cy’igihugu cy’amahoro, Col. Jill Rutaremara agendeye ku mateka yaranze iki gihugu cya Sri Lanka harimo n’intambara bamazemo imyaka isaga 30 yemeza ko hari byinshi ibi bihugu byombi bisangiye hakaba hari n’amasomo kimwe cyakwigira ku kindi.

Yagize ati “Igihugu cyabo cyaciye mu ntambara igihe kinini, natwe twayiciyemo harimo na genoside, icyo batwigiraho ni uko twe twarenze ibyo twavuyemo ubu tugeze ku rwego rwo kugarura amahoro n’ahandi; hari ibyo natwe twabigiraho muri ubwo bufatanye hakavamo umusaruro ufatika.”

Iri tsinda ry’abasirikare biga mu ishuri rikuru rya gisirikare muri Sri Lanka ziramara ibyumweru bibiri mu Rwanda mu ruzinduko rwo kwiga no gusangira ubunararibonye rwatangiye kuwa 9 Kanama 2017 rukazasozwa kuwa 22 Kanama 2017.

Itsinda ry'abasirikare bo muri Sri Lanka ryasuye Ikigo cy'igihugu cy'amahoro

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza