Kagame yakiriye Perezida wa Estonia

Yanditswe na IGIHE
Kuya 16 Ugushyingo 2017 saa 07:46
Yasuwe :
0 0

Perezida Kersti yageze mu Rwanda aturutse muri Ethiopia. Ku Kibuga cy’Indege Mpuzamahanga cya Kigali yakiriwe n’ Umuyobozi w’Ikigo cy’igihugu cy’Iterambere, Clare Akamazi ; Umuyobozi w’Umujyi wa Kigali, Nyamurinda Pascal; Umugaba Mukuru w’Ingabo z’u Rwanda, Gen Patrick Nyamvumba; Umuyobozi wa Polisi y’u Rwanda, IGP Emmanuel Gasana n’abandi bayobozi.

Kersti watangiye kuyobora Estonia ku wa 10 Ukwakira 2016, nib wo bwa mbere yari agiriye uruzinduko muri Afurika.

Kersti Kaljulaid yatangaje ko yishimiye guhura na Perezida Kagame kandi ko hari ibiganiro by’ingirakamaro byitezwe.

Umuyobozi uhagarariye inyungu za Estonia muri Kenya, Kadri Humal-Ayal, yabwiye itangazamakuru ko igihugu cye kiri gushaka uko cyakwagura imikorere hamwe n’ibindi harebwa cyane ku hari amahirwe.

Yakomeje atangaza ko Estonia n’u Rwanda bihuriye kuri byinshi kandi bifite amahirwe akomeye mu gukorana mu by’iterambere ryo gushaka ibisubizo hakoreshejwe ikoranabuhanga n’imikoreshereze y’ikoranabuhanga muri gahunda za Leta kimwe no mu zindi gahunda.

Estonia iherereye mu Majyaruguru y’u Burayi, gifite ubuso bwa kilometero kare 45,336, kikaba gituwe n’abaturage 1,294,455 nk’uko ibarura ryo mu 2011 ribigaragaza.

Kersti Kaljulaid yatangaje ko yishimiye guhura na Perezida Kagame
Kersti Kaljulaid yakiriwe na Perezida Kagame
Kersti Kaljulaid aganira na Perezida Kagame n'abandi bayobozi mu nzego za leta
Perezida Kagame n'itsinda ry'abayobozi bafatanyije kwakira Perezida wa Estonia

Amafoto: Village Urugwiro


Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza