Rubavu: Ubukangurambaga ‘Baho Neza’ bwatangiranye 98 bitabiriye serivisi zo kuboneza urubyaro

Yanditswe na Mukwaya Olivier
Kuya 15 Gicurasi 2019 saa 07:30
Yasuwe :
0 0

Umunsi wa mbere w’ubukangurambaga ‘Baho Neza’, mu Karere ka Rubavu, bwatangirijwe mu Murenge wa Cyanzarwe, abagera kuri 98 bahise bitabira serivisi zo kuboneza urubyaro.

Ubukangurambaga ‘Baho Neza’ bugamije gukangurira buri munyarwanda kwirinda no kurwanya indwara, kwita ku buzima bw’umwana n’umubyeyi, kwitabira no gukoresha serivisi z’urugo mbonezamikurire y’abana bato, kurwanya inda ziterwa abangavu, kugana no gukoresha serivisi zo kuboneza urubyaro n’ibindi.

Ubwo bwatangizwaga mu Karere ka Rubavu, abagera kuri 98 bitabiriye serivisi zo kuboneza urubyaro. Barimo abafashe uburyo bw’amezi bagera kuri 12, uburyo bw’imyaka itatu ni 67, uburyo bw’imyaka itanu ni 10, ibinini bya buri munsi ni 8, agakingirizo ni umwe naho kwifungisha burundu ku mugabo akaba umwe.

Murekatete Claudine w’imyaka 27 wari kumwe n’umugabo we ku murongo bagiye kuboneza urubyaro, avuga ko bamaze kugira abana batatu kandi yifuza kuboneza urubyaro akagorwa nuko bacibwaga amafaranga.

Ati “Hano kuboneza urubyaro biratugora kuko baduca amafaranga turi hano kubera ko kuboneza urubyaro ari ubuntu. Nibikomeza gutya bizadufasha kuko hari ubwo wisangaga wasamye. Nazanye n’umugabo wanjye kuko twumvikanye ko abana batatu bahagije.”

Habimana Martin umujyanama wa nyobozi y’akarere ka Rubavu avuga ko kugira ngo Ubuzima bw’umuryango bugende neza hari ibintu icumi bigomba kwitabwaho birimo kwita ku mugore utwite, kwita ku mwana mu minsi igihumbi ashima, iyi gahunda kuko izafasha akarere.

Ati “Ubukangurambaga ni uguhozaho kuba habonetse 98 inshuro ya mbere birerekana ko iyi gahunda abaturage bayumvishe neza. Ndasaba abaturage gushyira iyi gahunda mu bikorwa kuko bijyanye n’icyerecyezo cya leta y’u Rwanda mu mibereho myiza”.

Yasabye abagabo ko bagaragaza uruhare rwabo bafatanya n’abagore mu minsi 1000 ya mbere y’ubuzima bw’umwana, no mu kuboneza urubyaro kuko nibikorwa nta mwana wagwingiye uzongera kuboneka.

Umukozi w’Umuryango Imbuto Foundation, Vugayabagabo Jackson, agendeye ku nkingi z’ubukangurambaga bwa ‘Baho Neza’, yasabye abaturage kugira isuku, guteganyiriza abana, kwitabira gahunda y’ubwisungane mu kwivuza kandi bagaharanira ko inda ziterwa abangavu zitabaho.

Ababyeyi bari baje ari benshi
Hakinwe imikino yerekana umunezero w'umuryango witabiriye kuboneza urubyaro
Golizo yasusurukije abaturage bitabiriye ubukangurambaga Baho Neza
Habimana Martin, umujyanama wa Nyobozi y'Akarere ka Rubavu yavuze ko abaturage bumvise ubukangurambaga Baho Neza
Ku ikubitiro abagera kuri 98 bitabiriye serivisi zo kuboneza urubyaro
Jackson Vugayabagabo umukozi w’Umuryango Imbuto Foundation yasabye abaturage kugira isuku, guteganyiriza abana, bakitabira gahunda y’ubwisungane mu kwivuza
MC Buryohe yasusurukije abitabiriye ubukangurambaga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza