Ruhango: Korali Abarinzi yo muri ADEPR yakoze impanuka, umwe ahita yitaba Imana

Yanditswe na Thamimu Hakizimana
Kuya 14 Nzeri 2019 saa 03:20
Yasuwe :
0 0

Korali Abarinzi ibarizwa mu Itorero rya ADEPR ku Mudugudu wa Kumukenke muri Paruwasi ya Gasave yakoze impanuka ubwo yarimo yerekeza mu ivugabutumwa mu Murenge wa Kabagari mu Karere ka Ruhango.

Ahagana saa munani z’amanywa yo kuri uyu wa Gatandatu, tariki ya 14 Nzeri 2019, nibwo Coaster yari itwaye aba baririmbyi yakoze impanuka, umwe mu bari bayirimo ahita yitaba Imana.

Amakuru agera kuri IGIHE avuga ko abantu 13 aribo bakomerekeye muri iyi mpanuka.

Umuyobozi w’Akarere ka Ruhango wungirije ushinzwe Imibereho myiza Mukangenzi Alphonsine, yavuze ko inkomere zahise zijyanwa kwitabwaho kwa muganga.

Yagize ati “Ni byo hari umuntu umwe ni we wahise apfa, abandi 13 bakomeretse ndetse bamaze no kugera ku Bitaro bya Gitwe barimo barahabwa ubuvuzi bw’ibanze.’’

Mu baririmbyi bakomeretse bamwe muri bo bagize ibibazo by’ihungabana.

Korali Abarinzi yo muri ADEPR yakoreye impanuka mu Karere ka Ruhango, umwe mu baririmbyi bari bayirimo ahita yitaba Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza