Umujyi wa Kigali wasabye Inkomezabigwi ubufatanye mu gukumira inda zitateguwe

Yanditswe na Thamimu Hakizimana
Kuya 12 Mutarama 2018 saa 08:57
Yasuwe :
0 0

Abanyeshuri 1836 barangije amashuri yisumbuye basoje icyiciro cya gatandatu cy’itorero (Inkomezabigwi) basabwe ubufatanye n’inzego zitandukanye mu kurwanya ibiyobyabwenge n’nda zitateguwe ziterwa abangavu.

Ibi babisabwe kuri uyu wa Gatanu mu muhango wo gusoza icyiciro cya gatandatu cy’itorero wabereye kuri Stade ya Kigali i Nyamirambo.

Umuyobozi w’Umujyi wa Kigali, Nyamulinda Pascal, yasabye uru rubyiruko kunganira ubuyobozi mu bibazo bitandukanye busanzwe buhura na byo birimo iby’ibiyobyabwenge n’inda zitifuzwa ziterwa abangavu.

Yagize ati “Turabasaba kudufasha mu gukemura bimwe mu bibazo dukunze kuganira mu rwego rw’ubuyobozi birimo iby’ibiyobyabwenge,inda zitateguwe n’iby’isuku bakorana n’abaturage mu Midugudu n’Utugari kugira ngo babashe guca ibyo bibazo.”

Yakomeje kubasaba guhitamo neza bakora ibintu bitandukanye n’iby’abandi kubera ko buri gihe umuntu kugira ngo atsinde agomba gukora ibirenze iby’abandi.

Izi Nkomezabigwi z’icyiciro cya gatandatu na zo zemeza ko zungukiye byinshi muri iri torero ndetse ko amasomo zaherewemo azazifasha cyane mu buzima bwazo bwa buri munsi.

Bazaramba Joseph yagize ati “Tuhakuye inyigisho nyinshi kandi nziza zirimo uko tugomba kubana n’abantu no kubahana n’uburyo tuzakorana n’inzego z’imidugudu. Amasomo twahakuye azatugirira akamaro mu buzima bwacu kubera ko hari n’aho wasangaga bamwe muri twe batazi indangagaciro z’ubunyarwanda.”

Aba banyeshuri 1836 barimo abakobwa 899 n’abahungu 937 batorezwaga mu bigo bitatu birimo VTC Butamwa, APACE na Saint André i Nyamirambo.

Abasoje Itoreo mu Karere ka Nyarugenge basabwe gufatanya n'ubuyobozi kurwanya inda zitifuzwa
Bazaramba Joseph yavuze ko inyigisho bakuye mu itorero zizabagirira akamaro kanini
Abanyeshuri basoje itorero hamwe n'abayobozi mu nzego zitandukanye
Umuyobozi w’Umujyi wa Kigali, Nyamulinda Pascal, yasabye uru rubyiruko kunganira ubuyobozi mu bibazo bitandukanye busanzwe buhura na byo birimo iby’ibiyobyabwenge n’inda zitifuzwa ziterwa abangavu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza