Izindi ntare ebyiri muri Pariki y’Akagera zabyaye impanga

Yanditswe na Kanamugire Emmanuel
Kuya 31 Gicurasi 2016 saa 01:09
Yasuwe :
0 0

Nyuma y’Intare yitwa Shema yabyaye ibyana bitatu mu gihe gishize, muri pariki y’Akagera hagaragaye izindi ebyiri (Umwari na Kazi) zamaze kubyara impanga,muri iyi pariki hakaba hari intare 14.

Inkuru yo kuba izi ntare zarabyaye ibyana bibiri bibiri yamenyekanye mu mpera z’icyumweru gishize.

Ngoga Télesphore ushinzwe kubungabunga urusobe rw’ibinyabuzima n’ibidukikije mu Kigo cy’igihugu cy’Iterambere (RDB) yatangarije IGIHE ko ibyana by’izi ntare byatangiye kugaragara mu cyumweru gishize, umunsi nyir’izina zabyariyeho ukaba utaramenyekana neza.

Ku rubuga rwa facebook rwa Parike y’Akagera, hari inyandiko ivuga ko abafataga amashusho aribo babonye ibi byana biri kumwe na za nyina.

Hagati mu mwaka wa 2015, RDB yagejeje mu Rwanda intare zirindwi zirimo iz’ingore eshanu muri gahunda yo kugarura izi nyamaswa muri Pariki.Nyuma yaho Shema ibyariye ibyana 3, Umwari na Kazi na bo bakabyara ibyana bine, Parike y’Akagera imaze kugeramo intare 14.

Nyuma ya Jenoside yakorewe Abatutsi 1994, intare zari ziri muri parike y’Akagera zagiye zicwa n’abaturage bikangaga ko zabagirira nabi, bigira n’ingaruka ku mubare w’abasura iyi pariki.

Kugaruka kw’intare muri parike y’Akagera bikomeje gutuma umubare wa ba mukerarugendo bayisura wiyongera.

Indi nkuru bifitanye isano: http://www.igihe.com/ubukerarugendo/pariki-n-amashyamba/article/intare-ziherutse-kuzanwa-mu-rwanda-zatangiye-kororoka

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza