00:00:00 IGIHE NETWORK KN KINYARWANDA EN ENGLISH FR FRANCAIS

Abantu benshi bari kumara umwanya munini kuri TikTok kurusha YouTube

Yanditswe na Rosine Ingabire
Kuya 8 Nzeri 2021 saa 10:25
Yasuwe :
0 0

Abantu benshi ku Isi basigaye bamara umwanya munini kuri TikTok kurusha uko bawumara kuri YouTube.

Imibare ya sosiyete igenzura imikoreshereze y’imbuga nkoranyambaga, App Annie yagaragaje ko nubwo YouTube ariyo ikirebwa n’abantu benshi muri rusange, urebye abayijyaho bayimaraho umwanya muto ugereranyije n’uwo bamara kuri TikTok.

Nubwo bimeze bityo, YouTube iracyaza ku mwanya wa mbere mu kurebwa n’abantu benshi ku Isi. Nibura ibarirwa ko irebwa na miliyari ebyiri buri kwezi mu gihe TikTok umwaka ushize nibura yarebwaga na miliyoni 700 ku kwezi.

BBC yatangaje ko App Annie ibara abarebye YouTube na TikTok bakoresheje telefone za Android, byumvikane ko hari abandi dore ko n’imibare yo mu Bushinwa ari naho TikTok ikomoka itabarwa.

Mu bihugu nka Leta Zunze Ubumwe za Amerika n’u Bwongereza, TikTok yasimbuye izindi mbuga nka Youtube na Facebook mu gukurikirwa cyane.

Mu Bwongereza, TikTok yaciye kuri YouTube muri Kamena 2020 ikomeza kuyobora guhera ubwo. Muri Amerika, TikTok na YouTube zagiye zisimburanwa ku mwanya wa mbere ariko guhera muri Mata 2021 TikTok niyo yigaruriye umwanya wa mbere.

TikTok niyo irebwa igihe kinini nubwo YouTube ikirebwa n'abantu benshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .