00:00:00 IGIHE NETWORK KN KINYARWANDA EN ENGLISH FR FRANCAIS

SPENN yizihije imyaka itatu imaze ifasha Abanyarwanda kubona serivisi z’imari hifashishijwe ikoranabuhanga

Yanditswe na Muhonzire Sylvine
Kuya 11 Ukwakira 2021 saa 08:19
Yasuwe :
0 0

Ikigo gifite ikoranabuhanga ryo kubika, kohereza no kwakira amafaranga, SPENN cyizihize imyaka itatu kimaze gifasha Abanyarwanda kugera kuri serivisi z’imari bakoresheje ikoranabuhanga kandi badaciwe amafaranga.

Ubu buryo bwa SPENN bukoreshwa muri telefone, bwatangiye mu Rwanda mu 2018, butangijwe na sosiyete y’ikoranabuhanga mu by’imari ikomoka muri Norvège ya Blockbonds ku bufatanye na Banki y’Ubucuruzi ya I&M Bank Rwanda, yahoze yitwa BCR.

Abakozi n’abayobozi ba SPENN bizihije iyi sabukuru bakina umukino wo gutwara imodoka uzwi nka ‘Karting’. Ni mu gikorwa cyateguwe n’Ishyirahamwe ry’umukino wo gusiganwa ku ma modoka mu Rwanda (Rwanda Automobile Club).

Umuyobozi wa SPENN mu Rwanda, Haguma Norbert, yavuze ko bishimira kuba bari gufasha Abanyarwanda kugera kuri servisi z’imari ku buntu kuko biri mu ntego z’ingenzi z’iki kigo ari zo gufasha abantu kunogerwa na servisi zigezweho mu by’imari badahenzwe, bakazikoresha nk’uko abatuye mu bihugu bikize bazikoresha.

Yakomeje agira ati “Kubera iyi ntumbero yacu mu myaka itatu ishize twabashije kubona abafatabuguzi barenga 320 000 bakoresha telefone zigezweho, ubu babasha kohereza no kwakira amafaranga ku buntu.”

“Mu gihe twizihiza imyaka itatu tumaze dutangiye mu Rwanda, tugiye gutangiza uburyo bwa USSD buzafasha abatagira telefone zigezweho kubasha gukoresha serivisi zacu na bo bakaryoherwa no kugera kuri serivisi z’imari nta kiguzi.”

Uretse gutanga serivisi zo kohereza no kubikuza amafaranga ku buntu, SPENN ifasha abayikoresha kwishyura ibintu bitandukanye nk’umuriro n’amazi, kwizigamira, kwishyura ibicuruzwa byaguzwe kuri murandasi ndetse no guhererekanya amafaranga hagati y’umuntu n’undi nta kiguzi.

SPENN kandi ifite n’uburyo bwa POS [akamashini gakoreshwa mu kwishyura] ku buryo umucuruzi wese ushaka kwishyurwa hakoreshejwe ikimenyetso cy’ikoranabuhanga (QR Code) yabikora ndetse n’uburyo bukoreshwa n’ibigo cyangwa amasosiyete atandukanye igihe bashaka kwishyura abantu benshi icyarimwe buzwi nka ‘Bulk Payment’.

Kugira ngo umuntu abashe gukoresha iri koranabuhanga asabwa gusa kumanura [download] porogaramu ya SPENN kuri Play Store, ku bafite telefone zigezweho, bakiyandisha bakoresheje irangamuntu na nimero ya telefone gusa.

Abafite telefone zisanzwe bo bashobora gukoresha serivisi za SPENN bakanze *580# mu gihe baba bariyandikishije bakoresheje App cyangwa banyuze ku mu-agent wa SPENN.

Uwiyandikishije muri ubu buryo aba ashobora kohereza cyangwa kubikuza ku buntu, kwishyura ibintu runaka nta kiguzi asabwe, kubitsa cyangwa kubikuza ku mashami yose ya I&M Bank mu gihugu.

Mu myaka itatu imaze itangiye, SPENN yateye inkunga ibikorwa bitandukanye birimo umuryango udaharanira inyungu wita ku barwayi, Solid’ Africa, mu bikorwa byo gufasha abantu kubaho nyuma y’ibihe bibi bya Covid-19.

SPENN kandi ni umuterankunga w’ikipe ya Basketball ya Espoir mu rwego rwo gufasha abana bato bafite impano kugera ku nzozi zabo.

Kugeza ubu SPENN ikorera mu bihugu bitandukanye hirya no hino ku Isi birimo Philippines, u Rwanda, Zambia na Tanzania.

Mu kwizihiza iyi sabukuru abakozi ba SPENN bitabiriye uyu mukino uzwi nka 'Karting'
Byari ibyishimo ku bakozi ba SPENN bamaze imyaka itatu bafasha Abanyarwanda kugera kuri serivisi z'imari
Abakozi ba SPENN biyemeje kurushaho gutanga serivisi nziza
SPENN imaze imyaka itatu ikorera mu Rwanda, aho by'umwihariko ikorana na I&M Bank

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .