Apple yemeje inenge mu bikoresho byayo ishobora gutuma amakuru y’ibanga yibwa

Yanditswe na Mukaneza M.Ange
Kuya 6 Mutarama 2018 saa 08:22
Yasuwe :
0 0

Uruganda rwa Apple rwemeje ko ibikoresho byarwo bikoresha porogaramu ya Mac na iOs byahuye n’ikibazo cy’akuma kagira uruhare mu kwihuta mu mikorere gafite inenge.

Mu itangazo ryashyizwe ahagaragara kuwa Kane, Apple yagaragaje ko izo nenge zizwi nka Spectre na Meltdown, zibasiye ibikoresho birimo ibikoresha iOS 11.2, macOS 10.13.2 na tvOS 11.2.

Yahise kandi yihutira gushyira hanze uburyo bwo guhangana n’izi nenge zishobora kwifashishwa mu gushyira hanze amakuru y’ibanga arimo amafoto, ubutumwa n’ibindi.

Nk’uko CNN yabyanditse, abafite ibikoresho bya Apple basabwe kwita ku gukoresha porogaramu zigendanye n’igihe kandi bakuye ku isoko ry’uru ruganda (app store), mu rwego rwo kwirinda kuba bakwibasirwa n’abajura mu by’ikoranabuhanga.

Abashakashatsi bagaragaje ko Meltdown na Spectre zishyira amakuru y’ibanga hanze, mu gihe ibikorwa bitandukanye biba bitonze umurongo bitegereje kugerwaho (processor queus).

Banagaragaje ko uretse Apple, hafi ya buri gikoresho cyose gikenera processor gishobora kwibasirwa n’inenge ya spectre, mu gihe Meltdown yo yibasira izakozwe na Intel gusa.

Ibigo bikomeye mu ikoranabuhanga birimo Microsoft, Amazon na Google na byo byatangiye kureba uko byahangana n’iki kibazo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza