Apple yibwe amabanga ajyanye na iPhone X igiye kujya ku isoko

Yanditswe na M Moïse
Kuya 12 Nzeri 2017 saa 07:07
Yasuwe :
0 0

Umwe mu bakozi ba Apple yakoze igikorwa cyatunguye iyi kompanyi aho yashyize ahagaragara amakuru yerekeye iPhone X izasohokera rimwe na iPhone 8 na iPhone 8Plus.

Ibyerekeye izi telefoni byashyizwe ahagaragara binyuze ku mbuga ebyiri za internet ndetse uku kwibwa kw’amakuru kukaba ari ugukomeye uru ruganda rugize kuva rwabaho.

Apple yateganyaga ko gutangaza iby’iyi telefoni nshya ndetse n’ibindi bikorwa byayo bizashyirwa ahagaragara mu gihe izaba yizihiza isabukuru y’imyaka icumi ibayeho.

Kimwe na iPhone 8, iPhone X nayo izaba yifitemo uburyo bwo kuyifungura wifashishije isura ya nyirayo nk’uburyo bwo kuyicungira umutekano. Apple ikora telefone za iPhone irashyira inshya ku mugaragaro kuri uyu wa kabiri, mu birori biri bubere ku cyicaro cyayo gikuru i California.

Iyi sosiyete ishyira imbaraga mu kugira ibanga amakuru yerekeye ibikoresho byayo mbere y’uko ibishyira kw’isoko mu rwego rwo kwirinda ko byakwiganwa.

Apple ntiyatangaje aho abashyize hanze aya makuru bayakuye, gusa BBC dukesha iyi nkuru ivuga ko ifite amakuru yizewe ko abashyize ibijyanye n’iyi telefoni bakuye amakuru kuri mudasobwa z’uru ruganda bikozwe n’umwe mu bakozi barwo.

Aya makuru abaye ariyo, byaba ari inshuro ya kabiri mu mezi atatu umukozi w’iyi sosiyete ashyize hanze amwe mu mabanga yayo nyuma y’uko muri Kamena hashyizwe hanze amashusho y’inama y’abakozi b’iyi sosiyete bigira hamwe uburyo bahagarika ishyirwa hanze ry’amakuru yerekeye iyi sosiyete.

Icyo gihe, Apple yifashishije ikigo gishinzwe umutekano (NSA), polisi n’ikigo cy’ubutasi mu rwego rwo gushakisha uwaba yarakoze ibyo.

Kwibwa amakuru yerekeye ibikoresho by’ikoranabuhanga nk’ibi biha urwaho abakora ibyiganano ndetse bigatesha igicuruzwa cyawe agaciro ku isoko.

Umuntu utaramenyekana yagaragaje uko iOS 11 nshya izaba imeze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza