Indonesia: Umutingito wahitanye abarenga 90 unavana mu byabo abaturage 20,000

Yanditswe na Akayezu Jean de Dieu
Kuya 6 Kanama 2018 saa 05:07
Yasuwe :
0 0

Abantu bagera kuri 98 nibo bamaze kumenyekana ko bapfuye mu gihe abandi amagana bakomerekeye mu mutingito ukomeye wibasiye Amajyaruguru y’ikirwa cya Lombok mu gihugu cya Indonesia kuri iki Cyumweru.

Abandi 200 bakomerekeye muri uyu mutingito wari ku gipimo cya 6.9 wangiza inzu nyinshi usiga abagera ku 20,000 badafite aho bikinga ndetse ubuyobozi bwo muri aka gace bwatangaje ko umubare w’abashobora kuhasiga ubuzima n’ibyangiritse bishobora kwiyongera.

Umuyobozi w’ishami rishinzwe ku rwanya ibiza muri Indonesia, Sutopo Purwo Nugroho yabwiye AFP ko kugeza ubu hari ikipe iri kubarura ibyangirijwe n’uyu mutingito ariko bishoboka ko abahakomerekeye bakwiyongera.

Yakomeje agira ati “Twiteze ko umubare w’abahakomerekeye wiyongera ariko iri tsinda rishinzwe umutekano riri gukomeza kureba mu nzu zasenyutse, amashuri no mu misigiti ko hari indi mibiri y’abapfuye cyangwa bakomeretse barimo.”

Umuyobozi ushinzwe kurwanya Ibiza muri Croix Rouge, Arifin Muhamme Hadi, yavuze ko amagana y’abantu bajyanywe ku bitaro byo muri iki gihugu mu gihe inzu nyinshi zangiritse bikomeye.

Uyu mutingito wabereye mu birometero 31 z’ubujyakuzimu uva mu Majyaruguru y’ahitwa Loloan urangirira muri Lombok. Bivugwa ko no mu gace k’uburengerazuba bwa Bali naho hageze uyu mutingito.

Ibirwa byo muri Indonesia biri mu bikora ku gice cy’Inyanja ya Pacific kizwi nka ‘Pacific Ring of Fire’ mu birometero 40.000 uvuye ahakunze kubera imitingito no kuruka kw’ibirunga. Aka gace gahuriweho n’u Buyapani na Indonesia.

Mu 2004 nabwo habaye umutingingo w’amateka wari ku gipimo 9.3 uzwi nka Tsunami wibasiye ibirwa bya Sumatra uhitana abagera kuri 220,000 bo ku yambu cy’Inyanjya y’u Buhinde n’abandi 168,000 muri Indonesia.

Inzu zo mu majyaruguru ya Lumbok zangiritse cyane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza