Batatu bakina mu Rwanda muri 28 b’u Burundi batangira kwitegura CAN 2019

Yanditswe na Eric Tony Ukurikiyimfura
Kuya 15 Gicurasi 2019 saa 11:13
Yasuwe :
0 0

Umutoza w’ikipe y’igihugu y’u Burundi, Olivier Niyungeko, yamaze guhamagara abakinnyi 28 barimo batatu bakina mu Rwanda mu mwiherero wo kwitegura imikino ya nyuma y’igikombe cya Afurika cya 2019 kizabera mu Misiri guhera tariki ya 21 Kamena kugeza kuri 19 Nyakanga.

Harerimana Rachid Léon wa AS Kigali, Ngandu Omar wa AS Kigali na Duhayindavyi Gaël wa Mukura Victory Sports ni bo bakinnyi Niyungeko yahamagaye bakina muri shampiyona y’icyiciro cya mbere mu Rwanda.

Harimo kandi n’andi mazina akomeye yanyuze mu Rwanda nka David Nshimirimana (FC Buildcon, Zambia), Abdoul Karim Nizigiyimana (Vipers FC, Uganda), Pierre Kwizera (Al Oruba, Oman), Shassir Nahimana (Al Mojzel, Saudi Arabia), Francis Mustafa (Gor Mahia, Kenya), Cédric Amissi (Al Tawoun, Saudi Arabia), Hussein Shabani (Ethiopian Coffee FC, Ethiopia), Selemani Y. Ndikumana (AL Adalah, Saudi Arabia) na Laudit Mavugo (Napsa Stars, Zambia).

Iyi kipe y’igihugu igiye kwitabira CAN ku nshuro ya mbere izaba iherereye mu itsinda B hamwe na Nigerie, Guinée na Madagascar.

Abakinnyi 28 bahamagawe:

Abanyezamu: Jonathan Nahimana (KMC, Tanzania), Justin Ndikumana (Sofapaka, Kenya), McArthur Arakaza (Lusaka Dynamos, Zambia).

Ba myugariro: Omar Moussa (Sofapaka, Kenya), Omar Ngando (AS Kigali, Rwanda), Rachid Léon Harerimana (AS Kigali, Rwanda), David Nshimirimana ( FC Buildcon, Zambia), Amora Christophe Nduwarugira (TB Saad, Portugal), Abdoul Karim Nizigiyimana (Vipers SC, Uganda), Fredrick Nsabiyumva (Jomo Cosmos, Afurika y’Epfo), Delanys Valentine Adelin , Bembo Leta Joel (Ramsbottom United, mu Bwongereza)

Abakina hagati: Gaël Duhayindavyi (Mukura, Rwanda), Gaël Bigirimana (Hibernian, Ecosse), Pierre Kwizera (Al Oruba, Oman), Shassir Nahimana (Al Mojzel, Arabia Saoudite), Francis Mustafa (Gor Mahia, Kenya), Cédric Amissi (Al Tawoun, Arabia Saoudite), Hussein Shabani (Ethiopian Coffee FC, Ethiopie), Yusuf Ndayishimiye (Ange Noir, Burundi).

Ba rutahizamu: Saido Berahino (Stoke City, mu Bwongereza), Abdoul Fiston (JSK, Algerie), Enock Sabumukama (Zesco United, Zambia), Selemani Y. Ndikumana (AL Adalah, Arabia Saoudite), Mohamed Amissi (Nec Breda, mu Buholandi), Laudit Mavugo (Napsa Stars, Zambia), Elvis Kasomba (Melbourne Victory, Australia).

Harerimana Rachid Léon wa AS Kigali yagiriwe icyizere
Ngandu Omar ni umwe muri ba myugariro u Burundi bugenderaho
Gaël Duhayindavyi wa Mukura Victory Sports na we yahamagawe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza