CAF ntiremeza ikipe izayihagararira mu Gikombe cy’Isi cy’Amakipe

Yanditswe na Eric Tony Ukurikiyimfura
Kuya 14 Nzeri 2019 saa 10:24
Yasuwe :
0 0

Ishyirahamwe ry’Umupira w’Amaguru ku Isi, FIFA, ryatangaje ko Impuzamashyirahamwe y’Umupira w’Amaguru muri Afurika, CAF, itaratanga ikipe izayihagararira mu Gikombe cy’Isi cy’amakipe kizabera muri Qatar mu mpera z’umwaka.

Iri rushanwa rihuza amakipe yatwaye ibikombe ku migabane yayo, rizaba hagati ya tariki ya 11 na 21 Ukuboza 2019, muri Qatar.

Muri Nyakanga, Urukiko rwa Siporo (CAS) rwemeje ko Espérance Sportive de Tunis yegukanye iki gikombe, ariko CAF ivuga ko izagira icyo ibivugaho munsi iri imbere.

Mu kwezi gushize, Akanama k’imyitwarire ka CAF kemeje ko Espérance de Tunis ariyo yegukanye igikombe cy’amakipe yabaye aya mbere iwayo, nubwo yombi yari yatanze ikirego kugira ngo arenganurwe.

Ubuyobozi bw’iyi Mpuzamashyirahamwe y’Umupira w’Amaguru muri Afurika ’CAF ntiburemeza niba Espérance Sportive de Tunis yaratwaye CAF Champions League bitewe n’ikirego cyatanzwe na Wydad Casablanca.

Tombora y’uburyo amakipe azahura mu Gikombe cy’Isi cy’amakipe 2019 izaba ku wa Mbere tariki ya 16 Nzeri i Zurich.

Umunyabigwi w’Umwongereza, Michael Owen wakiniye, Manchester United, Real Madrid na Liverpool ni we uzafasha muri iyi tombora izahuza amakipe yabaye aya mbere kuri buri mugabane.

Amakipe azitabira tombora y’Igikombe cy’Isi cy’amakipe 2019:

  • Al Sadd (ikipe yakiriye)
  • Hienghene Sport (OFC)
  • Liverpool (UEFA)
  • Monterrey (CONCACAF)
  • CAF Champions League 2019 (CAF ntiremeza ikipe yatwaye igikombe)
  • AFC Champions League 2019 (Umukino wa nyuma uzaba tariki ya 9 n’iya 24 Ugushyingo)
  • CONMEBOL Libertadores 2019 (Umukino wa nyuma uzaba tariki ya 23 Ugushyingo)
CAS n'Akanama k'imyitwarire ka CAF bemeje ko Espérance Sportive de Tunis ari yo yatwaye CAF Champions League ariko Ubuyobozi ntacyo burabivugaho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza