Kurwanya Malariya binyuze mu mikino ya Karate

Yanditswe na Rene Anthere Rwanyange
Kuya 5 Mutarama 2013 saa 09:14
Yasuwe :
0 0

Ishyirahamwe ry’umukino wa Karate mu Rwanda (FERWAKA) ribitewemo inkunga na Imbuto Foundation ryabateguye amarushanwa afite insanganyamatsiko igira iti "Turwanye Malaria Turyama buri joro mu Nzitiramibu iteyemo umuti".
Mu kiganiro n’abanyamakuru umuyobozi wa tekiniki muri federasiyo ya karate Rurangayire Guy yatangaje ko ayo marushanwa azabera mu ntara zose z’igihugu, akazitabirwa n’ibyiciro byose abana n’abakuru mu makipe, na buri muntu ku giti cye, kandi hakazatangwamo n’amasomo arebana no (...)

Ishyirahamwe ry’umukino wa Karate mu Rwanda (FERWAKA) ribitewemo inkunga na Imbuto Foundation ryabateguye amarushanwa afite insanganyamatsiko igira iti "Turwanye Malaria Turyama buri joro mu Nzitiramibu iteyemo umuti".

Mu kiganiro n’abanyamakuru umuyobozi wa tekiniki muri federasiyo ya karate Rurangayire Guy yatangaje ko ayo marushanwa azabera mu ntara zose z’igihugu, akazitabirwa n’ibyiciro byose abana n’abakuru mu makipe, na buri muntu ku giti cye, kandi hakazatangwamo n’amasomo arebana no kurwanya Malariya, buri munyarwanda wese ashishikarizwa kuryama mu nzitiramibu iteyemo umuti.

Rurangayire yagize ati “Twahisemo gukoresha amarushanwa ya Karate nk’umurongo uzafasha mu gutanga ubutumwa ku bazitabira iyo mikino n’abazaba baje kuyireba. Ni uburyo kandi bwo kugira ngo bwo abakunda siporo, bashobore kumva uko Malariya yirindwa no guhagurukira kuyirwanya. Ni n’umwanya wo kwerekana aho uko umukino wa Karate uhagaze mu Rwanda.”

Rurangayire Guy, Umuyobozi ushinzwe tekiniki muri FERWAKA

Niyonzima Clement, ushinzwe umushinga wo kurwanya Malariya mu Imbuto Foundation, muri icyo kiganiro yatangaje ko uwo mwanya wo kongera kwibutsa abantu kurwanya Malariya kandi atari umwanya wo gutanga inzitiramibu.

Akomeza avuga ko bahisemo uturere bakurikije imibare yagaraje uko ikibazo cya Malariya giteye. Anavuga ko bakorana n’amafederasiyo afite ubuzima gatozi, kandi ibyo byose bikorwa hagamije gushaka uburyo Malariya yacika burundu.

Amarushanwa yo gushishikariza abantu kurwanya malaria aratangira kuri uyu wa 5 Mutarama, bahereye mu karere ka Kamonyi ku isoko rya Gacurabwenge, Nyagatare ku wa 7 Mutarama i Rwimiyaga; Bugesera ku wa 8 Mutarama ku Ruhuha, Nyanza ku wa 10 Mutarama i Busoro, ku wa i Rwamagana mu mujyi, na ho ku wa 13 Mutarama amarushanwa abere kuri Stade nto i Remera.

Mu ntara, amarushanwa azajya atangira saa tatu ageze saa sita z’amanywa. Ku munsi wa nyuma hazakorwa urugendo ruva kuri RDB rugere kuri Stade nto i Remera, ho bikazatangira saa tatu za mu gitondo bikageza saa kumi n’ebyiri z’umugoroba.

Amarushanwa azaba mu byiciro bitandukanye harimo abana kuva ku myaka 5-14 n’urwego rw’abakuru kandi mu bagore n’abagabo, muri Kata (Kwiyerekana) na Kumite (Kurwana). Abanyamahanga ntibemewe muri ayo marushanwa.

Imbuto Foundation yahaye inkunga FERWAKA ingana na 11,500,000 z’amafaranga y’u Rwanda. Bikorwa mu rwego rwo gushyigikira Guverinoma y’u Rwanda muri gahunda yafashe yo kurandura burundu Malariya.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza