Muhitira Félicien yegukanye umudali wa zahabu mu isiganwa rya ‘Marvejols-Mende’ mu Bufaransa

Yanditswe na Manzi Rema Jules
Kuya 30 Nyakanga 2018 saa 10:16
Yasuwe :
0 0

Umunyarwanda ukina umukino wo gusiganwa ku maguru ku ntera ndende, Muhitira Félicien, yegukanye umudali wa zahabu mu isiganwa mpuzamahanga rya ‘Marvejols-Mende’ ribera mu Bufaransa buri mwaka.

Muhitira uzwi nka ‘Magare’ w’imyaka 23, yitwaye neza yegukana umudali wa zahabu mu kwiruka kilometero 22.4 kuri iki Cyumweru mu isiganwa rya Semi-Marathon Marvejols-Mende 2018 ryabaga ku nshuro ya 46 akoresheje isaha 1:11’:00".

Yakurikiwe n’Umunya-Kenya Lotiang John wakoresheje isaha 1:12’:05" naho Umunya-Uganda Chepkorom Ezechiel aba uwa gatatu akoresheje isaha 1:12’:24".

Muhitira wazamukiye mu ikipe ya Nyamasheke Athletics Club, ni ku nshuro ya kabiri yari yitabiriye iri siganwa, aho umwaka ushize nabwo yaryegukanyemo umudali wa zahabu.

Semi-marathon Marvejols-Mende ni rimwe mu masiganwa akomeye yitabirwa n’abantu benshi, uyu mwaka abagera ku 5000 bakaba bararyitabiriye bakina mu byiciro by’ababigize umwuga n’abishimisha.

Rikunze kwegukanwa n’abakinnyi bakomoka muri Afurika kuko kuva mu 1996 ryatwarwa n’Umufaransa Philippe Rémond, izindi nshuro zose ryatashye mu bihugu nka Kenya, Éthiopie, Tanzania, Maroc, Uganda n’u Rwanda.

Muhitira yegukanye umudali wa zahabu ahigitse Umunya-Kenya n'Umunya-Uganda muri iri siganwa ngarukamwaka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza