Abagize Ni Nyampinga Sakwe basohoye indirimbo yo mu ikinamico yabo ikunzwe

Yanditswe na Dusabimana Aimable
Kuya 22 Kamena 2018 saa 03:32
Yasuwe :
0 0

Abakinnyi bamaze kumenyekana mu ikinamico ikunzwe ya Ni Nyampinga Sakwe basohoye indirimbo yabo ya kabiri bise “Iyo Wishimye” igaragaza iherezo ry’igice cya kabiri n’uburyo bishimiye imibanire yabo n’ibihangano byabo.

Gusohoka kw’iyi ndirimbo kuje gukurikira igice cya kabiri (series 2) cy’ikinamico ikunzwe ya Ni Nyampinga Sakwe inyura kuri radiyo zitandukanye zo mu Rwanda. Iyi kinamico igendera ku buzima bw’abakinnyi bayo barindwi, imbogamizi bahura na zo n’imibanire yabo n’abandi.

Umuyobozi Mukuru wa Girl Effect Rwanda yatangije ikinamico ya Ni Nyampinga Sakwe yavuze ko bishimiye cyane kumva na none ababakurikira bishimiye igice cya kabiri.

Ati “Nk’uko abakinnyi b’iyi kinamico bakomeje kwerekana imbogamizi n’inyungu ziba mu kuba abangavu, twishimiye kumva ko abadukurikirana bari gusanisha ikinamico n’ubuzima bwabo kandi ari na ko bishima banigira ku buzima bwabo.”

Mu gusoza igice cya mbere, abakinnyi batanu b’abakobwa baje kwishyira hamwe bakora itsinda basohora indirimbo nyuma mu iherezo ry’igice cya kabiri abahungu na bo baje kujya mu itsinda. Roscoe yavuze ko “Iyo Wishimye” ari umusaruro mwiza ugaragaza inyungu yo gukorera hamwe nk’itsinda.

Yakomeje agira ati “Tuzi uko indirimbo ya mbere Uri Njye yakunzwe. Abadukurikira bakomeje kudusaba indi ndirimbo none twishimiye cyane kumvana na bo ‘Iyo Wishimye’. Umuziki ni inzira ikomeye cyane iduhuza n’abadukurikira ukanadufasha gutambutsa ubutumwa bw’ibanze haba mu kinamico ndetse no mu bindi bikorwa byifashishwa nk’ikinyamakuru, imbuga nkoranyambaga, ibiganiro binyura kuri radiyo no mu matsinda.”

“Iyo Wishimye”, yanditswe ndetse itunganywa n’umwanditsi w’indirimbo akaba anatunganya indirimbo, Ishimwe Clement. Yagizwe ubuntu ku bayumva no ku mbuga nkoranyambaga za Youtube, Soundcloud no ku rukuta rwa Ni Nyampinga kuri Facebook, Twitter ndetse na Instagram.

Ni Nyampinga yashinzwe na Girl Effect, umuryango utegamiye kuri leta kuva mu myaka irindwi ishize. Ni Nyampinga yatangije ikiganiro kinyura kuri radiyo muri Nzeri 2017. Ikorwa n’abakobwa, igakorerwa abakobwa, intego yayo ikaba ari ukurema isi aho abakobwa ari injijuke, bafite ubuzima bwiza, batekanye, kandi bifashije mu bigaragara.

Ni Nyampinga kuri ubu ikurikirwa n’abakobwa barenze kimwe cya kabiri cy’abakobwa bose bari mu Rwanda.

Umuyobozi wa Girl Effect mu Rwanda, Emma Roscoe

Girl Effect ni umuryango utegamiye kuri leta ukoresha itangazamakuru rijyanye n’igihe mu gufasha abakobwa guhindura ubuzima bwabo. Uyu muryango washyizweho na Nike Foundation muri 2004, ukaba ukorera mu bihugu 66 ndetse ibikorwa byawo bimaze kugera ku rubyiruko rurenga miliyoni 48.

Binyuze mu bikorwa by’itangazamakuru n’ikoranabuhanga ama miliyoni y’urubyiruko bakunda ndetse bakoresha ubutumwa butangwa n’uyu muryango mu gufasha abakobwa kwigaragaza uko bari, indangagaciro zabo no kubaka imibanire bakeneye.

Ni Nyampinga Sakwe ikinwa n'urubyiruko rufite impano ruturuka mu bice bitandukanye by'igihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza