Patoranking yasohoye indirimbo “Open Fire” ateganya guhera i Kigali ayamamaza

Yanditswe na Nsengiyumva Emmy
Kuya 9 Ukwakira 2019 saa 04:36
Yasuwe :
0 0

Patoranking ni umuhanzi w’icyamamare muri Nigeria no muri Afurika muri rusange aho kuri uri ubu ari kubarizwa mu Rwanda.

Patoranking ari mu Rwanda aho yitabiriye igitaramo cya Youth Connekt Africa Summit 2019 kigomba kubera muri Kigali Arena kuri uyu wa 9 Ukwakira 2019.

Patoranking ubarizwa ku butaka bwa Kigali kuva kuri uyu wa 8 Ukwakira 2019 byahuriranye no gusohora indirimbo ye nshya yise “Open Fire”ateganya no guhera i Kigali ayamamaza.

“Open Fire” ni indirimbo uyu muhanzi yakoranye n’umukobwa wo muri Afurika y’Epfo witwa Busiswa Gqulu wamenyekanye ku izina ry’ubuhanzi rya Busiswa nubwo benshi barihina bakamwita Busi.

Usibye gutarama muri Youth Konnect Africa Summit 2019 Patoranking agomba kuva i Kigali yamamaje iyi ndirimbo ye nshya.

Muri gahunda uyu muhanzi afite harimo guhura n’abanyamakuru bamwe b’imyidagaduro naba DJ yifuza ko bamufasha mu buryo bwo kwamamaza no kumenyekanisha iyi ndirimbo.

Patoranking ni inshuro ya gatatu araba ataramiye mu Rwanda. Mu 2017 yatumiwe mu iserukiramuco rya Kigali Up, yanatumiwe mu gitaramo cyo guherekeza umwaka wa 2018 cyabereye muri Kigali Convention Center.

Uyu muhanzi yabaye icyamamare mu muziki wa Nigeria na Afurika muri rusange kubera indirimbo ze zagiye zikundwa zirimo My woman, Love you Die yahuriyemo na Diamond, No kissing baby yakoranye na Sarkodie n’izindi nyinshi.

Patoranking ubwo yari akigera i Kigali
Patoranking yatemberejwe Kigali Arena
Patoranking mu ndirimbo ye "Open Fire"

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza