Siriki na Souké ntibagitaramiye i Kigali, haje Daliso wigaragaje muri Britain’s Got Talent

Yanditswe na Dusabimana Aimable
Kuya 27 Nyakanga 2018 saa 08:12
Yasuwe :
0 0

Siriki na Souké, abanyarwenya bamamaye muri Afurika bari bategerejwe mu Iserukiramuco Mpuzamahanga ry’Urwenya rya Kigali ntibakije nyuma yo kunaniranwa na Comedy Knights iritegura, baranengwa kutaba abanyamwuga no kugira ubuhemu.

Ibi byatangajwe mu kiganiro abagize itsinda rya Comedy Knights bagiranye n’itangazamakuru kuri uyu wa 27 Nyakanga 2018 kuri ONOMO Hotel. Bavuze ko nubwo bari bijeje Abanyarwanda kubazanira abo banyarwenya bakomeye muri Afurika bo batubashye amasezerano bari bafitanye bagashyiraho amananiza yatumye ibyo kuza kwabo biseswa.

Abandi banyarwenya bose batumiwe hijejwe ko bagomba gususurutsa Abanyarwanda ndetse benshi muri bo bamaze kugera i Kigali barimo Daliso Chaponda wamamaye biturutse ku kwitabira irushanwa rya Britain’s Got Talent agashimisha benshi mu barikurikira kubera urwenya rwe.

Yongeyeho ko bagiye gukora iki gitaramo nyuma y’iminsi bazenguruka ahandi hantu hatandukanye bakagera no ku bantu batabasha kugura amatike yaba abakiri bato n’abatishoboye mu kubaha inseko.

George Michael, umwe mu bagize Comedy Knights yavuze ko bahemukiwe na Siriki na Souké bakanga kugerera mu Rwanda igihe bari bumvikanye ahubwo bagasaba ko iserukiramuco rihagarikwa rigategurwa ikindi gihe kugira ngo baze.

Ati “Siriki na Souké twaraganiriye byose twarangije n’amatike twamaze kuyaboherereza, tubahamagaye mu minsi nk’itatu ishize kugira ngo tubahe ‘avance’ yabo bari bashatse kugira ngo baze, bahita batangira kuvuga ngo ntabwo babasha kuza. Iminsi yo kuza tubabajije baravuga ngo ‘Oya mwaratinze,’ bahita bavuga ngo uburyo bwonyine byashoboka ko baza hano mu Rwanda ni uko twasubika tukabishyira ku yandi matariki, duhita twibwira ko bashobora kuba bamaze gufata akandi kantu ku ruhande bashakaga gufata n’ayacu bagakomeza ibindi byabo.”

Yongeyeho ati “Twarebye kureka ibi byose n’abanyarwenya bose twatumiye baturutse mu bihugu bitandukanye dusanga bitashoboka kubera abo bantu babiri gusa.”

Jerome Migisha ukuriye imitegurire ya Kigali International Comedy Festival ya Kabiri yamwuganiye avuga ko uburyo Siriki na Souké bakoranye na bo bigaragaza ubunyamwuga buke kuri bo ndetse bikaba byaranabahombeje ay’imyiteguro bari bakoze irimo no kugura amatike y’indege y’abantu batazaza anongeraho ko ari akamenyero kabo kwica gahunda kuko atari ku nshuro ya mbere batenguha abategura ibitaramo mu Rwanda.

Abanyarwenya bahari harimo abo muri Uganda, Cameroun, Congo n’u Rwanda. Igitaramo cyabo kizaba ku wa Gatandatu, tariki 28 Nyakanga 2018 kuri Camp Kigali. Hagombaga gukorwa bibiri mu Gifaransa n’Ikinyarwanda gusa birangira hafashwe umwanzuro ko bihurizwa hamwe.

Daliso yijeje abazitabira igitaramo cyabo guseka bagatembagara

Umunyarwenya Babu yavuze yavuze ko intego ya Comedy Knights n’iri serukiramuco yashyizeho ari ukugira ngo mu muco w’Abanyarwanda hinjiremo n’uwo guseka bibe bimwe mu bintu bibaranga aho bari hose bajye bagaragaza akanyamuneza.

Comedy Knights ni itsinda ryashinzwe mu 2010, rimaze kwerekana ubuhanga mu bakora ibiganiro n’ibitaramo byo gusetsa abantu, rigizwe na John Muyenzi “Babu”, “George” Birungi, Tuyisenge Jean “Divin”, “Michael” Sengazi, “Joshua” Kamirindi na “Jerome” Migisha urimo nk’umujyanama mu bikorwa bakora.

Babu yavuze ko bafite intego yo kwinjiza guseka mu muco nyarwanda
Comedy Knights yazanye Daliso Champonda wigaragaje cyane muri Britain's Got Talent
Haje Abanyarwenya baturutse mu bihugu birimo Zimbabwe na Cameroun
Michael Sengazi uri mu bagize Comedy Knights yavuze ko bahemukiwe na Siriki na Souke
Migisha Jerome yavuze ko iri serukiramuco ryanagiye rigera ku baturage batabasha kwishyura amafaranga y'igitaramo ndetse bikazakomeza

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza