Gisubizo Ministries yitegura igitaramo gikomeye yasohoye indirimbo nshya

Yanditswe na Uwiduhaye Theos
Kuya 15 Gicurasi 2019 saa 12:41
Yasuwe :
0 0

Gisubizo Ministries iri mu matsinda amaze kwamamara mu ndirimbo zo kuramya no guhimbaza Imana mu Rwanda no mu Karere ka Afurika y’Iburasirazuba, yashyize hanze indirimbo yise ‘Hallelluya’ yo kurarikira abategereje igitaramo izakorera muri Kigali ku wa 26 Gicurasi 2019.

Indirimbo nshya ya Gisubizo Ministries ivuga ku mashimwe n’imirimo ikomeye Imana yakoze ku bayigize n’abandi bafite ibyo bazirikana ku mirimo yayo.

Umuyobozi wungirije wa Gisubizo Ministries, Runyambo Eddy, yabwiye IGIHE ko indirimbo yabo ikubiyemo ubutumwa bw’ishimwe ku burinzi bw’Imana.

Yagize ati “Indirimbo Halleluya yahimbwe tuvuga amashimwe n’imirimo ikomeye Imana yakoze muri twe. Dufatanyije n’abandi bose bafite cyangwa bazirikana ibyo Imana yakoze mu buzima bwabo.”

Yakomeje ati “Muri iyi ndirimbo tubwira Imana ko turi abahamya b’ibyo yakoze muri twe. Ikindi ni uko tubazaniye indirimbo nshya mu kurushaho kwitegura igitaramo cya ‘Worship Legacy season 2’.”

Gisubizo Ministries yamenyekanye cyane mu ndirimbo zirimo "Amfitiye byinshi", "Mana uriho", "Ndaguhetse ku Mugongo", "Narababariwe" n’izindi. Ni umuryango ukora ivugabutumwa rinyuze mu ndirimbo mu bihugu binyuranye ku Isi.

Iri tsinda rimaze guhabwa ibihembo byinshi mu muziki birimo ibya Groove Awards Rwanda aho mu 2016, ryegukanye bitatu birimo icya Korali y’Umwaka, Indirimbo nziza y’Umwaka n’iyo Kuramya y’Umwaka ndetse mu Karere ryatwaye Groove Awards Kenya 2017 ryegukanye mu ruhando rw’andi makorali yo muri Afurika yo hagati n’iy’Uburasirazuba.

Gisubizo irarimbanyije mu myiteguro y’igitaramo gikomeye cyiswe ‘Worship Legacy Season 2’ kizabera mu Intare Conference Arena i Rusororo, ku wa 26 Gicurasi 2019.

Kwinjira muri icyo gitaramo ni amafaranga 5000 Frw mu myanya isanzwe na 10 000Frw mu y’icyubahiro. Abazagura amatike mbere bazagabanyirizwa 2000 Frw mu gihe abo muri VVIP bazishyura 15 000 Frw.

Iki gitaramo Gisubizo Ministries yagitumiyemo andi matsinda arimo Healing Worship Team, Alarm Ministries na Shekinah yo muri Evangelical Restoration Church. Izanafatanya n’abahanzi barimo Bosco Nshuti uri mu bafite igikundiro muri ADEPR n’itsinda rya James na Daniella rigezweho mu ndirimbo ‘Mpa amavuta’. Abazacyitabira bazasangizwa ijambo ry’Imana n’Umuvugabutumwa, Pasiteri Senga Emmanuel wo muri Eglise Vivante.

Umva indirimbo nshya ya Gisubizo Ministries yitwa ‘Halleluya’

Gisubizo Ministries yamamaye mu ndirimbo zirimo Nguhetse ku mugongo

Gisubizo Ministries iri mu matsinda yo kuramya no guhimbaza Imana akomeye mu Rwanda
Healing Worship Team iri mu matsinda akunzwe cyane mu Rwanda
Mu 2018, Gisubizo Ministries yakoze ibitaramo bibiri bikomeye mu Mujyi wa Kigali byitabiriwe n'ibihumbi by'abakirisitu
Shekinah Worship Team yatumiwe muri iki gitaramo
Umuramyi Bosco Nshuti ukunzwe mu muziki wo kuramya no guhimbaza Imana unafite igihembo cy’umuhanzi w’umwaka muri Groove Awards 2018, na we azaba ahari
Gisubizo igiye gukorera igitaramo gikomeye mu Mujyi wa Kigali yatumiyemo abahanzi bazwi mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza