00:00:00 IGIHE NETWORK KN KINYARWANDA EN ENGLISH FR FRANCAIS

Bafasha abana kumenya indimi, babatoza kubana neza n’abandi: Uburere buhabwa abana muri Le Berceau des Anges

Umuyarwanda yaravuze ngo uburere buruta ubuvuke, ni byo koko benshi barabyara ariko si ko batanga uburere bwiza ku bo babyaye. Kurera umwana muri ibi bihe bisa n’ibigoye ababyeyi benshi bitewe n’umuvuduko Isi iriho baba bifuza kugendana na wo, bikarangira hari ibyo bibagiwe birimo n’abana kandi kenshi ari na bo bahangayikiraga.

Ubu ntibikwiye ko wahangayikishwa no kwibaza ukwiye kukurera neza kuko amarerero y’abana (Crèche) yarabikemuye, uhasiga umwana ukaba wizeye uburere n’umutekano w’abana.

Rimwe muri aya marerero ni Le Berceau des Anges, ikorera mu Mujyi wa Kigali ku Kimihurura ku gahanda KG 668 st 18. Yakira abana kuva ku mezi icyenda kugeza ku myaka itatu, bakaba barera abana b’impinja n’incuke bagafatwa nk’abari mu rugo ndetse bagatanga uburezi ku bana n’incuke kuva mu ishuri rya mbere kugeza mu rya gatatu.

Ushobora kwibaza uburyo umwana w’amezi icyenda ashobora kwitabwaho n’umuntu utari nyina ariko muri iri rerero birashoboka kuko abana bahagezwa mu gitondo bakitabwaho n’abarezi batojwe kwita ku bana.

Mu kiganiro na IGIHE Umuyobozi wa Le Berceau des Anges, Mukagatore Marie Chantal, yavuze ko abana bagezwa mu kigo mu gitondo bakahirirwa bitabwaho n’abarezi babizobereyemo ku buryo nta mubyeyi ukwiye kugira impungenge.

Yagize ati “Tubitaho nk’ababyeyi, hano dufite abarimu beza babaheka, bakaboza, bakabaterura, bakabaha amata n’iyo mama we ari hafi yaza akomwonsa natwe tugakomeza tukamwitaho.”

Iyo abana bageze mu irerero bahabwa ifunguro rya mu gitondo bitewe n’igihe barimo, abiga bakajya mu ishuri abato cyane na bo bakajyanwa gukina udukino dutandukanye, bakaza guhabwa ifunguro rya saa yine, saa sita, ubundi bakaryamishwa bakaruhuka, bagahabwa n’ifunguro rya saa cyenda mbere y’uko ababyeyi baza kubareba ngo batahe.”

Mukagatore yavuze ko yashinze iri rerero kuko yabonaga ko gusigira abana abantu utizeye kandi bahora bahindagurika bishobora kubateza ibyago. Yavuze ko gusiga umwana mu irerero bituma umubyeyi yizera umutekano we.

Yagize ati “Ababyeyi baba batekanye kuko mu rugo abakozi bashobora kurangara umubyeyi akaba ahangayitse avuga ati ‘umwana wanjye abakozi bashobora gutuma ashya, bashobora kumuha amazi aho kumuha amata n’ibindi. Iyo aje hano agenda umutima utuje akaza ku mufata igihe arangirije akazi nta mutima uhagaze afite.”

Yakomeje avuga ko usibye kuba umubyeyi aba atuje bituma n’umwana yiyungura ubumenyi butandukanye bigatuma amenya ubwenge akiri muto.

Yagize ati “Umwana biramufasha cyane nko ku ndimi kuko umwana uri hano aba azi Ikinyarwanda neza n’Igifaransa neza, ni zo ndimi dutoza abana bakiri bato kandi bituma n’umwana abasha kumenyera abandi akamenya kubana n’abandi.”

“Abiga mu ishuri ry’incuke tubigisha n’Icyongereza ndetse abana tubatoza ikinyabupfura no gukunda Imana.”

Le Berceau des Anges yatangiye mu 2015, umubyeyi wifuza kujyanayo umwana ukiri muto yakirwa buri gihe, abajya kwiga mu mashuri y’incuke bo bagendera ku ngengabihe ya Minisiteri y’Uburezi, ubu bakaba baratangiye kwakira abazatangira mu mwaka w’amashuri wa 2021/2022.

Abana biga muri iri shuri bahabwa amasomo atandukanye arimo n'imibanire yabo n'abandi
Bahabwa amafunguro inshuro eshatu ku munsi
Abana bahabwa imikino ituma barushaho kwiyungura ubwenge
Amasomo bahabwa arushaho kubafungura mu mitekerereze
Abana basangirira hamwe mu kubigisha kumenya kubana neza n'abandi
Muri Le Berceau des Anges batanga amasomo ku buryo abana basobanukirwa neza ibyo biga
Muri Le Berceau des Anges abana biga mu ishuri ry'incuke bigishwa amasomo arimo n'indimi
Umuyobozi wa Le Berceau des Anges, Mukagatore Marie Chantal, yavuze ko abana bagezwa mu kigo mu gitondo bakahirirwa bitabwaho n’abarezi babizobereyemo ku buryo nta mubyeyi ukwiye kugira impungenge

Special pages
. . . . . .