IBTC ishuri ry’icyitegererezo mu gutanga ubumenyi mu bijyanye na sinema

Ikinyejana cya 21 ni icy’umuvuduko n’iterambere ridasanzwe mu nguni zose z’ubuzima, haba mu bucuruzi, ubuvuzi, uburezi, ikoranabuhanga n’ibindi byinshi hatibagiranye na sinema.

Leta y’u Rwanda ishyize imbere amasomo y’imyuga n’ubumenyingiro kuko ariyo atuma abantu bava mu bushomeri kandi ahantu hose umuntu ageze akabasha gushaka umugati kuko icyo umuntu azi gukora gihita kigaragaza.

Mu gufasha abifuza gukabya inzozi zabo cyane cyane mu bijyanye na sinema harimo gutunganya filime, gufotora, gutunganya amashusho, kwandika filime no kuziyobora mu gihe hafatwa amashusho, IBTC Film School ikomeje gutanga ubwo bumenyi budahomba.

Ishuri IBTC rimaze imyaka itandatu, aho ryasohoye abanyeshuri 717 kandi 89% muri bo bafite akazi bakesha amasomo y’igihe gito baryigiyemo.

Muri bo bamwe bashinze amashuri yigisha gutunganya filime, abandi bashinga inzu zitunganya amashusho ndetse abandi ni ba gafotozi babigize umwuga.

Ni ishuri ryaguka kuko ryamaze no gufungura imiryango muri Repubulika Iharanira Demokarasi ya Congo kandi kimwe no mu Rwanda bigisha amasomo atandukanye.

Amasomo atangirwa muri IBTC Film School

Film Making:Haba mu Rwanda no muri Congo bigisha ibyo gukora filime, uko ikorwa n’ibiyishamikiyeho byose nka filime, ibyegeranyo (documentary film), gufata amashusho y’indirimbo, ayamamaza n’ibindi.

Website Design:Ni uburyo bwo kubaka imbuga nkoranyambaga na application aho abanyeshuri bigishwa: Html , Css, Php, Javascript, Cms (Joomla), Mysql na Hosting.

Graphic Design : Ni uburyo bwo gukora ibyapa logo, banner, flyers, magazine, journal. Bigisha kandi Photoshop, Illustrator na Adobe In Design.

Muri IBTC Film School bigisha mu byiciro bitandukanye batangira saa 8h00 -10h00, saa 10h00-12h00, saa 16h00 -18h00 na saa 18h00-20h00.

Nyuma y’ayo masaha yari asanzwe azwi IBTC Film School yongeyeho gahunda yo muri weekend aho ku wa Gatandatu bigisha abakora filime na Web Design mu gihe cy’amasaha 10 ku munsi. Naho ku cyumweru hakiga abo muri Graphic Design nabo bakiga amasaha 10.

Umuntu wese warangije amasomo y’icyiciro rusange, aba yemerewe kwiyandikisha muri IBTC Film School.

IBTC Film School ikorera mu Mujyi wa Kigali kwa Rubangura mu igorofa ya kane mu muryango wa 406 ndetse bakorera no mu nyubako ya City Plaza mu igorofa rya kabiri.

Ukeneye ibindi bisobanuro wahamagara kuri 0788543002/0728543002, wabandikira kandi kuri [email protected] cyangwa ugasura urubuga www.ibtcfilmschool.com.


Kwamamaza