‘Ntuma.com’, igisubizo ku bakiliya bagorwa n’ingendo bajya guhahira mu masoko rusange

Abanyarwanda basobanukiwe ko gukoresha ikoranabuhanga bigomba kwitabwaho mu buzima bwabo bwa buri munsi ndetse benshi barifata nk’uburyo bugezweho bubafasha kubona ibyo bakeneye mu gihe gito kandi mu buryo buhendutse.

Uko umubare w’abakoresha internet mu Rwanda uzamuka ni ko ibihakorerwa na serivisi zihatangirwa birushaho kwiyongera umunsi ku wundi.

Muri uru ruhererekane rwo gukoresha ikoranabuhanga, ubucuruzi bwo kuri internet buri mu byiganje aho mu Rwanda hatangijwe imbuga zirimo n’urwa Ntuma.com, rufasha abantu guhaha ibiribwa n’ibindi bitandukanye biri ku giciro nk’icyo mu masoko aciriritse yo muri Kigali bakabigezwaho mu ngo zabo.

Uru rubuga rwashinzwe n’Umunyarwandakazi rumaze hafi umwaka rufasha Abanya-Kigali kubona ibiribwa n’ibikoresho by’isuku kandi rushyize imbere gufasha Abanyarwanda kubona ibyo bakeneye byiza kandi vuba.

Mu kiganiro IGIHE yagiranye n’umuyobozi wa Ntuma.com, yavuze ko uru rubuga rugamije korohereza abantu kubona ibicuruzwa bari mu ngo zabo.

Ati “Urubuga rufasha abantu guhaha, bakishyura ibintu birimo ibinyobwa bisembuye n’ibidasembuye, ibiribwa, ibikoresho by’isuku, ibikomoka ku mata, amafi, imbuto, imboga, inyama n’ibindi by’amoko atandukanye kandi byiza, bakishyura hifashishijwe ikoranabuhanga.”

“Dufite urubuga www.ntuma.com , umuntu ajyaho, dufite na application ushobora no gukura kuri Google Play ukayishyira muri telefone, ukiyandikisha, ugasura amafoto y’ibicuruzwa byacu; icyo ushimye, ushobora kwishyura ukoresheje MTN Mobile Money, Tigo Cash, Airtel Money na Visa Card maze tukabikugereza aho uba. Ibiciro ni bimwe n’ibyo mu masoko nka Kimironko, Nyabugogo n’ayandi.”

Gukorera ubucuruzi kuri internet bifasha abantu kuzigama igihe, gucuruza ibintu wizeye ko uri bubone umuguzi kandi ko ku ruhande rw’abaguzi, butanga icyizere kuko batanga inyemezabwishyu kandi bakagerezwa ibyo baguze mu rugo bitabiciye akazi cyangwa ngo bafate umwanya wo kujya kubishaka ku isoko.

Ntuma.com ikorana n’ibigo bigenzura umutekano w’ibikorerwa kuri internet biyiha umwihariko wo kurinda umwirondoro w’umukiliya mu kwirinda ko hari abawukoresha mu zindi nyungu zabo.

Kugeza ubu, umubare minini w’abitabira kugurira kuri uru rubuga ni uw’abanyamahanga, akaba ariyo mpamvu ubuyobozi bushishikariza Abanyarwanda kurugana kuko ari bo rwashyiriweho kugira ngo na bo batangire kubona ibyiza byo kurukoresha kuko rubaho ibiribwa n’ibindi bifite isuku binujuje ubuziranenge.

Uretse gusura uru rubuga ugasubiraho ibyo bakugereza mu rugo, bashyizeho na

Ku bindi bisobanuro ushobora guhamagara nimero 0788314607 cyangwa ukoherezaho ubutumwa kuri WhatsApp cyangwa ugasura urubuga rwabo http://ntuma.com/.


Kwamamaza