Orange Electronics yinjiye muri ‘Made in Rwanda’, inongera igabanyirizwa rya 30% ho amezi abiri

Mu rwego rwo gutanga umusanzu mu guteza imbere gahunda ya ‘Made in Rwanda’ yatangijwe na Guverinoma, Ikigo cy’Ubucuruzi, Orange Electronics and Computer Ltd, cyashyize ibikorerwa mu gihugu mu bicuruzwa byacyo, ndetse kinongera igihe igabanyirizwa rya 30% ryashyizweho mu gihe cy’iminsi mikuru rizarangirira.

Iki kigo kimaze imyaka irenga 15 gicuruza ibikoresho birimo mudasobwa z’amoko menshi, printers, televiziyo n’ibikoresho bya zo, iby’umuziki nka gitari, indangururamajwi, ibivanga umuziki (mixer) bito n’ibinini, frigo, moteri zitanga umuriro (generators), imitamenwa (safe), ibyuma bishyushya amazi n’ibindi.

Orange Electronics and Computer iherereye hafi ya Kazi ni Kazi ahateganye n’isoko rya Nyarugenge mu Mujyi wa Kigali, inafite kandi ishami ricuruza ibikoresho byo mu rugo ryitwa “Top Furniture Market” riherereye ahahoze Quincaillerie Muhirwa hateganye na sitasiyo ya lisansi ya Mongas ku muhanda uva Rwandex ujya Sonatubes mu Karere ka Kicukiro.

Muri Top Furniture Market harimo intebe n’ameza byo mu ruganiriro, utubati, ibitanda n’ububiko bw’imyenda. Hari kandi ibikoresho byo mu biro birimo intebe, ameza n’utubati.

Umukozi muri Orange Electronics and Computer Ltd, Ndahimana Emmanuel, yavuze ko muri Top Furniture Market ahanini wasangaga harimo ibikoresho bituruka mu mahanga gusa, kuri ubu ibishya bazanye bikaba byiganjemo ibikorerwa mu gihugu.
Yagize ati “Twazanye ibicuruzwa bishya byiganjemo ibikorerwa mu Rwanda. Turashaka guteza imbere gahunda ya ‘Made in Rwanda’. Niba leta ishyizeho gahunda yo guteza imbere ibikorerwa mu gihugu, ni ngombwa ko natwe tubishyiramo imbaraga kugira ngo dutange umusanzu mu iterambere.”

Uretse ibicuruzwa bishya muri Orange Electronics and Computer na Top Furniture Market, ubuyobozi butangaza ko igabanyirizwa rya 30% ryagombaga kurangirana ma Mutarama, ryongereweho amezi abiri, rikazarangira kuwa 31 Werurwe 2018.

Iki kigo gitwaza abakiliya ibikoresho biremereye ku buntu iyo ari mu Mujyi wa Kigali na ho hanze ya ho kikagabana n’umukiliya ikiguzi cy’ubwikorezi. Gitanga kandi igihe cyo kugerageza igikoresho ukaba wakigarura mu gihe kitarenze umwaka. Umukiliya utabasha kubonera ubwishyu rimwe kandi, kimushyiriraho uburyo bumworohereza kwishyura mu byiciro.

Ku bindi bisobanuro, mwasura urubuga www.orangeelectronics.rw cyangwa ukabandikira kuri email: [email protected]

Wanabahamagara kuri nimero za telefone (+250) 788 533 592, (+250) 788 270 736 cyangwa (+250) 738 533 592.


Kwamamaza