Yakami Cosmetics, iduka ryiyemeje kurinda Abanyarwanda indwara z’uruhu ribagezaho amavuta meza

Ni kenshi uhura n’abantu binubira kuba baraguze amavuta bahenzwe kubera ko bari barabwiwe ko ashobora gutuma bagira umubiri mwiza ariko ugasanga uretse gutakaza amafaranga menshi yabakururiye n’ibindi bibazo birimo n’indwara kubera ko ari amiganano cyangwa atajyanye n’imiterere y’uruhu rwabo.

Nyuma yo kwitegereza uburyo abatari bake baba bahangayikishijwe no kumenya amavuta meza ajyanye n’uruhu rwabo ndetse n’ahantu hizewe bayakura, hatangijwe iduka Yakami Ltd Cosmetics kugira ngo ribabere igisubizo.

Yakami Cosmetics Ltd n’iduka ricuruza ubwoko butandukanye bw’amavuta yiganjemo akorerwa mu Bufaransa ndetse n’ibindi bikoresho by’ubwiza birimo ibirungo, imibavu n’amasabune.

Mu kiganiro na IGIHE, Uhagarariye Yakami Ltd Cosmetics, Yamuremye Clément, yavuze ko intego yabo ari ukuzana amavuta y’umwimerere, aho bajya kuyafata ku bantu bahagarariye uruganda mu bihugu rukoreramo.

Ati “Yakami ni sosiyete ihuriwemo n’abantu benshi barimo n’abaganga bari hirya no hino mu bihugu bitandukanye. Ni nayo mpamvu tudapfa guhitamo amavuta yose twiboneye, tuzana ayo tubona adashobora kugira ingaruka ku ruhu rw’abantu. Icyo twifuza n’uko abantu bisiga amavuta ari ku rwego rwo hejuru, kandi atagira ingaruka mbi ku ruhu rwabo.”

Yakomeje avuga ko akenshi usanga amavuta abanyaburayi bohereza muri Afurika n’indi migabane atandukanye nayo bo bakoresha, akaba ariyo mpamvu bo bahitamo kuzana ayujuje amabwiriza y’ubuziranenge agenderwaho i Burayi.

Ati “ Hari nk’ibikoresho by’ubwiza usanga byarakumiriwe mu Bufaransa kubera ko harimo ibintu byangiza uruhu nka ‘hydroquinone’ ariko wagera ku isoko ryo muRwanda ukayahasanga. Dufite indi sosiyete yitwa Yakami Ltd France ari nayo iyarangura ikayazana mu Rwanda. Iyo dusanze arimo ibintu bishobora kwangiza uruhu ntabwo tuyazana.”

Mu mavuta acuruzwa na Yakami yanafunguye ishami mu karere ka Rubavu, harimo ubwoko butandukanye bukorwa n’inganda zikomeye nk’urwa Yves Rocher rumaze imyaka hafi 60 rukora ibikoresho bitandukanye by’ubwiza hifashishijwe ibimera n’imbuto.

Banafite kandi amavuta y’umwimerere arimo Huile d’Olive, Huile d’Argan n’andi azwiho gusukura uruhu no kurusubiza itoto. Ashobora kandi no gukoreshwa ku misatsi.

Ati “Aya mavuta yose tuyarangura ku bantu bizewe bahagarariye inganda. Iyo umuntu abikoresheje bikamutera ibibazo, duhita tubimenyesha uruganda hagakorwa ubushakashatsi ku cyaba cyabiteye. Ikindi n’uko umukiliya uko agize icyo agura tumuha amanota ku buryo iyo agarutse agabanyirizwa.”

Uretse amavuta, amasabune, ibirungo bitandukanye n’imibavu, Yakami Ltd Cosmetics inacuruza amasakoshi yo ku rwego rwo hejuru nayo bakura i Burayi no muri Amerika.

Ibi byose kandi babikora mu rwego rwo guteza imbere ishoramari rya diaspora muRwanda, dore ko uretse ibikoresho bacuruza mu gihugu, banagemura i Burayi ubuki nyarwanda.

Ukeneye ibindi bisobanuro wagana aho Yakami Ltd Cosmetics ikorera muri CHIC mu muryango wa –B35 cyangwa i Rubavu imbere y’umupaka muto uzwi nka Petite Barrière hafi neza n’ahakorera koperative y’abafite ubumuga.

Ushobora kandi kubahamagara kuri +250780422236, +250783948070, +33689839016 (WhatsApp), +33766093890 (WhatsApp); ushobora no kubandikira kuri [email protected]

Amafoto: Serge Muhizi


Kwamamaza