Balinese massage’, uburyo budasanzwe mu kuruhura umubiri bwatangiye gutangwa na Saray Spa

Yanditswe na Mukaneza M.Ange
Kuya 18 Ukuboza 2018 saa 09:08
Yasuwe :
0 0

Nyuma y’igihe gito atangiye imirimo ye, Umuyobozi mushya ushinzwe serivisi zo kuruhura umubiri muri Saray Spa ya Kigali Marriott Hotel, Wolly Agnes Megasari, aratangaza ko mu dushya yazanye harimo ‘Balinese massage’.

Balinese massage ni uburyo bwihariye bwo kuruhura umubiri wose hifashishijwe imiti gakondo, bwakomotse mu ntara ya Bali muri Indonesia.

Mu kiganiro na IGIHE, Megasari watangiye gukora akazi ko kuruhura umubiri nk’umwuga mu 2012, yavuze ko ubu buryo butari busanzwe bukoreshwa muri Saray Spa buri mu dushya azaniye abayigana.

Ati “ Ubu buryo butari busanzwe bwo kuruhura umubiri buhuriza hamwe imico itandukanye, aho usanga twifashisha imiti n’amavuta y’umwimerere (Essential oil). Balinese Massage ifasha imitsi kurambuka, amaraso nayo agatembera neza mu mubiri.”

Megasari ufite inkomoko muri Indonesia, ari naho yatangiriye gukora akazi kajyanye no kuruhura umubiri, yanakoreye mu bindi bihugu bitandukanye birimo Ibirwa bya Maurice, Iraq n’ahandi.

Gufata umwanzuro wo gukora uyu mwuga byaturutse ku kuba umukoresha we wa mbere wari ufite ikibazo cy’umutima, yarigeze kugwa igihumure, akabasha kumutabara yifashishije ubumenyi buke yari afite mu gukora ‘massage’.

Ati” Gufasha abantu kuruhura imibiri yabo n’ibintu nkunda cyane, mbifata nk’uburyo bwo kugira uruhare mu kongera kubasubiza ubuzima binyuze mu kubavura amavunane. Kuba naragize uruhare mu gutuma umukoresha wanjye agarura ubuzima, byatumye numva ko uyu mwuga ufite akamaro karenze uko mbitekereza.”

Yiteguye gusangira ubunararibonye n’abanyamwuga basanzwe bakora muri serivisi zitandukanye zo kuruhura umubiri zitangwa na Saray Spa, ndetse aho biri ngombwa akabafasha kubona amahugurwa atuma barushaho gufasha ababagana.

Megasari avuga ko Saray Spa igufitiye serivisi zose ziruhura umubiri, kandi umuntu wese abyifuza ashobora kuza gusura akirebera ibihakorerwa byose, mbere yo gufata umwanzuro wo kuba yazikoresha.

Saray Spa ya Kigali Marriott Hotel itanga serivisi zirimo; gukandakanda umubiri (massage), kuwuruhura hifashishijwe ubushyuhe ari byo byitwa ‘sauna’ na ‘steam’, siporo zifashishije ibyuma (Gym) n’ibindi.

Hhari ikipe y’abahanga n’ibikoresho bihagije biri ku rwego mpuzamahanga bituma batanga serivisi za spa zihariye, ziherekezwa n’icyumba cyo kuruhukiramo ku barangije kwitabwaho.

Muri ibi bihe bya Noheri n’umwaka mushya Saray Spa yashyizeho igabanyirizwa rya 20% kuri serivisi zayo zo gukandakanda umubiri (massage).

Aha yabanzaga kwandika imyirondoro y'umukiliya igiye gukorerwa 'massage'
Ahakirirwa abakiliya bagana Saray Spa ya Kigali Marriott Hotel
'Balinese massage' ni uburyo bushya bwo kuruhura umubiri Megasari yatangiye gutanga muri Saray Spa
Gukoresha 'massage' binanura imitsi, kandi amaraso akongera gutembera neza mu mubiri
Icyumba gikorerwamo massage kiba cyagutse kandi giteguye neza
Icyumba gikoreshwa muri 'massage' ni uku kiba giteguye
Megasari avuga ko muri Saray Spa bahora biteguye gufasha abayigana gukira amavunane
Mu gukora 'massage' agira ubwitonzi kugira ngo hatagira igice na kimwe gisigara kitagezweho
Mu gukora massage bakoresha amavuta y'umwimerere
Umuyobozi mushya ushinzwe serivisi zo kuruhura umubiri muri Saray Spa ya Kigali Marriott Hotel, Wolly Agnes Megasari
Utu tubuye dukonje twifashishwa mu gutuma uruti rw'umugongo ruruhuka
Wolly Agnes Megasari ari gutegura aho aza kwakirira umukiliya
Abakiliya bahabwa ahantu ho kwicara mu gihe bategereje guhabwa serivisi ziruhura umubiri

Amafoto: Muhizi Serge

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza