Kigali Marriott yazirikanye abakunzi b’ikawa ibategurira ibirori by’umwihariko

Yanditswe na Mukaneza M.Ange
Kuya 15 Gashyantare 2019 saa 05:07
Yasuwe :
0 0

Kigali Marriott Hotel isanzwe ifite umwihariko wo guha agaciro ibyifuzo by’abayigana, yongeye gutegura ibirori byihariye aho abakunzi b’ikawa bahawe umwanya wo kuyisogongera no kuganira n’abahanga mu kuyitegura.

Ibi birori by’iminsi ibiri byatangiye kuri uyu wa Gatanu tariki ya 15 Gashyantare 2019 muri Iriba Bar and Terrace ya Kigali Marriott, byahawe izina rya ‘Coffee Xperience’.

Abakunzi b’ikawa mu ngeri zose bagize umwanya wo gusogongera ubwoko butandukanye bw’izitegurwa na Kigali Marriott Hotel ifatanyije na Question Coffee, imigati ifite impumuro y’ikawa itegurwa n’iyi hotel na ‘liqueur’ zikorwa mu ikawa n’uruganda 1000 Hills Distillery.

Umuyobozi wungirije ushinzwe ibijyanye n’ibiribwa n’ibinyobwa muri Kigali Marriott Hotel, Alyson Hayes, yatangarije IGIHE ko ari ku nshuro ya kabiri bagize igikorwa nk’iki, aho cyateguwe nyuma yo kubona ko uburyo abantu bakiriye kwizihiza umunsi mpuzamahanga wahariwe ikawa uba mu Ukwakira buri mwaka.

Ati “Ikawa n’ikinyobwa gikomeje gutera imbere mu gihugu kandi ubwiza bw’ihingwa mu Rwanda buri hejuru ari nacyo gikomeje gutuma yaba Abanyarwanda n’abanyamahanga bishimira kuyinywa. Igikorwa nk’iki rero ni uburyo bwihariye Kigali Marriott yifashisha mu guhuriza hamwe abakunzi bayo bafatanyije nibigo bitimo Question Coffee na 1000 Hills Distillery”.

Hayes kandi yakomeje avuga ko ‘Coffee Xperience’ batekereje kuyitegura muri iki gihe u Rwanda rwakiriye Inama Mpuzamahanga ya Kawa kuva ku wa 13-15 Gashyantare 2019, aya akaba ari amahirwe ku bifuza gukomereza ibirori mu mpera z’icyumweru.

Igikorwa cya ‘Coffee Xperience’ kizasozwa ejo tariki ya 16 Gashyantare kiba guhera saa ine za mu gitondo kugeza saa cyenda z’amanywa.

Abitabiriye 'Coffee Xperience' banerekwa uko bategura ibiribwa biherekeza ikawa
Bereka abantu uburyo imwe mu yo bakoresha aribo bayisya
Haba hari imigati ishushye mu buryo butandukanye
Haba kandi hari ubwoko butandukanye liqueur’ zikorwa mu ikawa n’uruganda 1000 Hills Distillery
Ikawa ikoreshwa aba ari umwimerere
Iki gikorwa kiba cyateguriwe abakunda ikawa
Imigati ifite impumuro y'ikawa iri mu biba byateguriwe abitabira iki gikorwa
Iyi migati yuje uburyohe buhebuje iba ifite impumuro y'ikawa
Kigali Marriott ihamya ko ikawa y'u Rwanda igira uburyohe bwihariye
Kigali Marriott yazirikanye abakunzi b’ikawa ibategurira ibirori by’umwihariko
Mu gusobanurira abana bato ubwiza n'akamaro k'ikawa hifashishwa ibishushanyo
Umukozi wa 1000 Hills Distillery yiteguye gusobanura uburyo ikawa yifafishwa mu gukora 'liqueur'
Umukozi wa Kigali Marriott asobanura uburyo ikawa ikonje itegurwa
Uwahageze ahava amenye byinshi ku ikawa

Amafoto: Muhizi Serge

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza