00:00:00 IGIHE NETWORK KN KINYARWANDA EN ENGLISH FR FRANCAIS

Cogebanque yiyemeje guhuza abakiliya bayo n’amahanga ibinyujije muri MasterCard

Yanditswe na Mukahirwa Diane
Kuya 13 Kanama 2021 saa 06:43
Yasuwe :
0 0

Banki y’Ubucuruzi ya Cogebanque Plc, ikomeje gushyira imbere icyatuma abakiliya bayo n’abayigana bahabwa serivisi nziza kandi zihuta aho baba bari hose ku Isi.

Bumwe mu buryo bakoresha harimo n’amakarita ya MasterCard afasha umukiriya w’iyi banki kubikuza ku byuma byabugenewe (ATM), kwishyura serivisi mu Rwanda no mu mahanga hakoreshejwe utumashini twishyurizwaho n’amakarita (POS machine) ndetse no kuri murandasi iyo ugura/wishyura ibicuruzwa na serivisi zitandukanye.

Cogebanque yatangiye gukoresha amakarita ya MasterCard mu 2015, ikaba yarayatangije mu rwego rwo kurushaho guhuza abakiliya bayo n’amahanga kuko akora ku Isi yose.

Aya makarita ya MasterCard arimo amoko ane atuma ubona serivisi z’imari aho uri hose ku Isi.

Arimo ‘MasterCard Prepaid’ iyi karita ihesha umukiliya ububasha bwo gushyiraho amafaranga ashaka gukoresha. Ikaba ifite umwihariko udasanzwe kuko kuyikoresha ntibisaba kuba ufite konti muri Cogebanque, bisaba kuyisaba ku ishami ry’iyi banki ugahita uyihabwa.

Hari na ‘MasterCard Debit’ ituma umukiliya abasha kugera ku mafaranga ari kuri konti ye, bikaba byatuma abasha kubona serivisi ashaka aho ari hose ku Isi. Hari “Mastercard Credit” ihesha ubushobozi umukiliya wa banki bwo kuba yabikuza cyangwa ugakoresha amafaranga arenze ayo ufite kuri konti yawe, aho amafaranga yigurije ukaba yayishyura mu gihe cy’iminsi ishobora kugera kuri 55 yose, nta nyungu uciwe.

Ku bakiliya b’ikirenga bo bashyiriweho ikarita ya ‘MasterCard Prestige’, ufite iyi karita aba yabasha gukoresha amafaranga ari kuri konti ye, uyikoresha kandi aba afite amahirwe yo kugabanyirizwa mu gihe ayikoresheje yishyura serivisi zimwe na zimwe (Ubwasisi) ndetse akakirwa nk’umukiliya w’ikirenga igihe agannye amashami ya banki.

Ukeneye aya makarita yose ya MasterCard agana ishami rya Cogebanque rimwegereye agasaba ikarita imubereye.

Mu kiganiro na IGIHE, Umukozi ushinzwe Serivisi ya Cogebanque y’ibijyanye n’uburyo abakiliya ba banki bishyura bakanishyurwa, Rukokora Flory, yavuze ko gukoresha aya makarita ari inyungu gusa kuko ubasha kubona serivisi z’imari aho uri hose ku Isi.

Yagize ati “Gukoresha aya makarita harimo inyungu nyinshi kuko ubasha kuyakoresha aho uri hose ku Isi, ukaba wakwishyura ibicuruzwa igihe cyose haba mu maduka ndetse no kuri murandasi kandi ikagutura ingoyi yo kugendana amafaranga mu ntoki byakuviramo no kwandura Covid-19.”

Mu ntangiriro z’uyu mwaka Cogebanque yahembye abakiliya basaga 500 bakoresheje neza amakarita ya Mastercard (Debit, Credit na Prepaid) mu kwishyura no kubikuza amafaranga. Ibihembo byatanzwe binyuze mu bukangurambaga bwiswe “Biroroshye hamwe na Cogebanque Mastercard’’. Abahembwe bahawe ibikoresho birimo frigo, mudasobwa na telefoni.

Ukurikiyeyezu Pio umaze imyaka itatu akoresha Mastercard wahawe frigo, yavuze ko kuyikoresha bimwohereza gutanga no kwakira amafaranga.

Ati “Mu buzima umuntu akenera gutanga no kwakira amafaranga. Njye rero uburyo nkoresha ni Mastercard kuko imfasha muri serivisi nkeneye mu buryo bwihuse haba mu Rwanda no hanze."

Murerwa Fabiola wahembwe mudasobwa yavuze ko akoresha Mastercard umunsi ku munsi yishyura serivisi zitandukanye aba akeneye.

Ati “Nkoresha ikarita mu bikorwa bya buri munsi haba kwivuza, guhaha, kubikuza n’izindi serivisi.[...] Ndashimira Cogebanque ko buri gihe ihora idushakira ibyiza n’ibyarushaho kuduteza imbere.”

Kuva Cogebanque yakwemererwa na Banki Nkuru y’u Rwanda gukorera mu gihugu mu 1999, imaze kugira amashami 28 hirya no hino ayifasha kugeza serivisi ku bayigana. Ifite ATM 36, aba-agents barenga 600 bayifasha gutanga serivisi zo gufunguza konti, kubitsa no kubikuza zirimo n’izifashisha ikoranabuhanga binyuze muri Internet Banking, Mobile Banking (*505# cyangwa Coge mBank), ikarita yitwa Smart cash ndetse n’amakarita ya MasterCard (Debit, Credit na Prepaid) afasha abayakoresha kwishyura no kubikuza ahantu harenga miliyoni 36 ku Isi yose.

Cogebanque yiyemeje guhuza abakiliya bayo n’amahanga ibinyujije muri MasterCard, ikarita ibafasha kubona serivisi zitandukanye z'imari
Umukiliya ukoresha ikarita ya MasterCard ya Cogebanque ashobora kubikuza amafaranga ahantu henshi ku Isi
Cogebanque yatangiye gukoresha amakarita ya MasterCard mu 2015

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .