00:00:00 IGIHE NETWORK KN KINYARWANDA EN ENGLISH FR FRANCAIS

Sobanukirwa Coge mBank, ikoranabuhanga rigufasha kubona serivisi za Cogebanque aho uri hose

Yanditswe na Dufitumukiza Salathiel
Kuya 23 Kanama 2021 saa 10:44
Yasuwe :
0 0

Ubuzima bw’abatuye Isi bwarahindutse, ubu ikoranabuhanga rikorewe kuri telefoni cyane cyane smartphone ni ryo rihatse buri kimwe cyose; kuva ku kumenya amakuru yiriwe avugwa kugeza ku gushaka serivisi zitandukanye z’ingenzi buri wese akenera.

Muri iki gihe by’umwihariko Isi n’u Rwanda byugarijwe n’icyorezo cya COVID-19, serivisi nyinshi zitangwa hifashishijwe ikoranabuhanga.

Rumwe mu nzego zahawe umwihariko ni urw’amabanki aho yarushijeho kwimakaza ihererekanya ry’amafaranga mu buryo butomoye.

Banki Nyarwanda y’Ubucuruzi, Cogebanque Plc, iri ku isonga mu zimaze kuba ubukombe mu gutanga serivisi z’imari mu buryo bw’ikoranabuhanga. Zimwe muri serivisi itanga harimo n’uburyo bw’ikofi y’ikoranabuhanga aho uyikoresha abona serivisi zose akeneye atavuye aho ari ahubwo binyuze kuri telefoni y’umukiliya washyizemo application yitwa Coge mbank.

Uburyo bwa Coge mbank bwatangiye mu 2018 bukaba bugamije gufasha abakiliya kubona serivisi za banki zitandukanye batavuye aho bari kandi bakoresheje telefoni zabo.

Iri koranabuhanga rikoreshwa n’umuntu ufite telefoni zigezweho ‘Smartphones’ aho ajya kuri Play store cyangwa Apple store, akabasha kumanura App yayo ubundi agatangira kuyikoresha.

Iyo ufite Coge mbank muri telefoni yawe ubasha kubona serivisi zitandukanye zitangwa na Cogebanque zirimo kwifungurira konti, kumenya amakuru ya konti zawe, kohereza amafaranga muri banki zikorera mu Rwanda, kohereza amafaranga kuri telefoni ‘Mobile Money’, gushyira amafaranga ku ikarita ya Prepaid Mastercard, kwishyura fagitire zitandukanye (amazi, umuriro, ikarita zo guhamagara n’ibindi).

Ufite iri koranabuhanga kandi ashobora kumenya amakuru ya banki nko kumenya aho amashami ya banki aherereye, ATM, uko ivunjisha rihagaze hamwe no kwaka amakuru ajyanye n’ibyabereye kuri konti ze.

Mu kiganiro IGIHE yagiranye n’Umukozi ushinzwe Serivisi z’Ikoranabuhanga zishingiye kuri telefoni (Mobile Banking), Jean François Regis Tuyishime, yavuze ko ubu buryo bwashyizweho mu rwego rwo kurushaho kwegereza abakiliya serivisi z’ikoranabuhanga.

Ati “Banki yatangiye ubu buryo bw’ikoranabuhanga mu rwego rwo gufasha abakiliya bayo kwiha no kugera kuri serivisi za banki aho baba bari hose ku Isi batavunitse. Kandi bakagendana na gahunda y’igihugu kigana ku bukungu bushingiye ku kwishyura binyuze mu buryo bw’ikoranabuhanga, nka bumwe mu buryo bwizewe, bwihuta kandi bunogeye ababukoresha.”

Yakomeje asobanura ko ubu buryo bworoshye kandi butuma abakiliya badatakaza umwanya bajya gushaka serivisi ku mashami ya banki. Ikindi mwamenya ni uko turi gukora iyo bwabaga ngo twongeremo izindi serivisi nko gusaba inguzanyo n’izindi ukoresheje ubu buryo kugira ngo abakiliya bazajye bazibonera icya rimwe.

Yagize ati “Indi mpamvu nyamukuru ni uko twabonye bigabanya gutakaza umwanya n’amafaranga ku bakiliya, bigabanya imirongo y’abaganaga banki ndetse babona serivisi zitandukanye mu buryo bwihuse.”

Ukoresheje Coge mBank wabona serivisi z'imari zitandukanye igihe cyose ubishakiye

Ishimwe Gad umaze amezi ane atangiye gukoresha Coge mBank, yavuze ko yayobotse ubwo buryo agamije kubona serivisi byoroshye.

Ati “Nagiye ku Ishami rya Karongi nsobanuza niba nta bundi buryo nazajya nkoresha bunyoroheye kuko hari nk’igihe ku cyumweru batakoraga kandi nkeneye serivisi za banki. Ni ko kunyereka application ya Coge mBank bayinshyirira muri telefoni, ntangira kuyikoresha.”

Nyuma y’imyaka itandatu akorana na Cogebanque, yemeza ko ubu abona serivisi zayo byoroshye cyane igihe cyose azikenereye.

Abihurizaho na Gatare Tente Alice na Dushime Fabrice bagaragaje ko usibye kubona serivisi zinoze kandi vuba, binongera umutekano w’amafaranga hirindwa ubujura no kuyatakaza bya hato na hato.

Kuva Cogebanque yakwemererwa na Banki Nkuru y’u Rwanda gukorera mu gihugu mu 1999, imaze kugira amashami 28 hirya no hino ayifasha kugeza serivisi ku bayigana. Ifite ATM 36, aba-agents barenga 600 bayifasha gutanga serivisi zo gufunguza konti, kubitsa no kubikuza zirimo n’izifashisha ikoranabuhanga binyuze muri Internet Banking, Mobile Banking (*505# cyangwa Coge mBank), ikarita yitwa Smart cash ndetse n’amakarita ya MasterCard (Debit, Credit na Prepaid) afasha abayakoresha kwishyura no kubikuza ahantu harenga miliyoni 36 ku Isi yose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .