00:00:00 IGIHE NETWORK KN KINYARWANDA EN ENGLISH FR FRANCAIS

Baranyuzwe: Uko aba-agents batumye abakiliya ba Cogebanque boroherwa no kubona serivisi z’imari

Yanditswe na Dufitumukiza Salathiel
Kuya 23 Nzeri 2021 saa 10:17
Yasuwe :
0 0

Imiryango, sosiyete n’abantu ku giti cyabo bakorana na Cogebanque bashimye uburyo yabegereje serivisi za banki binyuze ku ba-agents, bakaba bazibona bitabagombye ingendo ndende no gutonda imirongo ku mashami yayo.

Cogebanque ni imwe muri banki zikorera mu Rwanda zizwiho kwita ku bazigana nk’uko bikunze guhamywa n’abakiliya bazo, barimo n’abaheruka guhabwa ibihembo birimo moto, amagare, televiziyo, frigo na telefoni mu bukanguramabaga bwa “Tugendane”.

Mu buryo ikoresha igeza serivisi ku bayigana, harimo no kuzibegereza ishyiraho aba-agents mu bice bitandukanye by’igihugu. Ni uburyo yise “Agency Banking”.

Ibyo bituma aho abakiliya bayo baba bari hose mu gihugu babasha kwaka serivisi kandi bakazihabwa neza bitabasabye kujya ku mashami yayo.

Nshyimyumuremyi Damascène ni umwe mu ba-agents ba Cogebanque ukorera muri Kigali. Yavuze ko ababagana bakunze kuba bashaka seivisi eshatu z’ingenzi.

Ati “Abenshi mu bakiliya tubafasha kubitsa, kubikura no gufunguza konti.”

Umuyobozi Mukuru wa Sosiyete ya VUBA VUBA ifasha kugeza ibyo kurya mu ngo ibikuye muri restaurants, Munyabugingo Albert, yatangaje ko Agency Banking ibafasha mu mikorere yabo ya buri munsi.

Ati “Iyo umukozi wacu abijyanye hari abamwishyura mu ntoki, akajya ku mu-agent akayashyira kuri konti yacu ya Cogebanque. Kubera aba afite ahantu henshi ajya usanga gutonda umurongo byamukerereza.”

Mugabe Frank usanzwe ukora ubucuruzi, ari mu bakiliya ba Cogebanque bakenera cyane Agency Banking. Yavuze ko akunze kuyikenera iyo ashaka kubitsa amafaranga kuri konti ye.

Ati “Bitugabanyiriza umwanya kuko usanga umu-agent wenda ari hafi y’aho ukorera. Umwanya wo kujya kuri banki ubwo uba uwugabanyije, na ya mirongo iba ihari ukaba uyirinze.”

Cogebanque yatangije Agency Banking mu mpera za 2014; hari mu rwego rwo korohereza no kwegereza abayigana serivisi zayo, by’umwihariko aho batuye cyangwa bakorera akazi kabo ka buri munsi.

Nkuranga Anthony, umukozi ushinzwe iri koranabuhanga muri Cogebanque yavuze ko Agency Banking ifasha uyikoresha kubona serivisi zitandukanye nko “kwishyura amafaranga y’ishuri, umuriro, amazi, ikarita zo guhamagara, ifatabuguzi rya televiziyo n’ibindi byinshi.”

Yakomeje ati “Hari serivisi nyinshi wasanga ku mu-agent wa Cogebanque, zirimo gufunguza konti (ITEZIMBERE) udakatwa amafaranga yo kuyicunga, wasabiraho inguzanyo ndetse na serivisi z’ikoranabuhanga. Hari ukubitsa, kubikuza, kohereza amafaranga ku bantu batandukanye baba abakiliya n’abatari abakiliya ba Cogebanque kandi ku giciro gito ugereranyije n’ubundi buryo.”

Magingo aya Cogebanque ifite aba-agents barenga 650 mu gihugu hose. Ubuyobozi bwayo buvuga ko icyerekezo ari ukugera henshi no kunoza servisi batanga.

Kugira ngo umu-agent ashyirwe ahantu runaka, Cogebanque ikora ubugenzuzi harebwa ko afite aho akorera, asanzwe akora ubucuruzi nibura amezi 18, afite icyangombwa cy’ubucuruzi gitangwa n’Urwego rw’Igihugu rw’Iterambere, RDB, afite ipatanti, ibaruwa ibisaba iherekejwe n’abantu nibura batatu bamuzi no kwerekana ibimuranga birimo indangamuntu n’andi makuru yafasha banki gukora ubugenzuzi.

Mu gihe Agency Banking imaze itangijwe, Nkuranga yavuze ko umusaruro wayo wigaragaza kandi aba-agents bakomeje kongerwa.

Kuva Cogebanque yakwemererwa gukorera mu Rwanda mu myaka 22 ishize, imaze kugira amashami 28 hirya no hino ayifasha kugeza serivisi ku bayigana. Ifite ATM 36, aba-agents barenga 650 bayifasha gutanga serivisi zo gufunguza konti, kubitsa no kubikuza zirimo n’izifashisha ikoranabuhanga binyuze muri Internet Banking, Mobile Banking n’amakarita ya MasterCard (Debit, Credit na Prepaid) afasha abayakoresha kwishyura no kubikuza ahantu harenga miliyoni 36 ku Isi yose.

Muri serivisi zitangwa n'aba-agents harimo n'izo gufunguza konti
Aba-agents ba Cogebanque borohereje ababagana kubikuza amafaranga no kuyohereza ku bo bashaka
Cogebanque ifite aba-agents bagera kuri 650 mu gihugu hose
Aba-agents batumye abakiliya ba Cogebanque boroherwa no kubona serivisi z'imari hafi yabo kandi igihe cyose

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .