00:00:00 IGIHE NETWORK KN KINYARWANDA EN ENGLISH FR FRANCAIS

Abantu 483 banduye COVID-19 mu Rwanda, batandatu irabica

Yanditswe na IGIHE
Kuya 9 Nzeri 2021 saa 12:06
Yasuwe :
0 0

Minisiteri y’Ubuzima yatangaje ko abantu 483 banduye COVID-19 mu Rwanda mu gihe batandatu bahitanywe n’iki cyorezo mu masaha 24 yashize.

Itangazo rya Minisante ryo kuri uyu wa Gatatu, ryerekanye ko abitabye Imana bazize COVID-19 ari “umugore umwe n’abagabo batanu.”

Kuri uyu munsi, abarwayi bashya 483 bakuwe mu bipimo 12.131 byafashwe mu duce dutandukanye tw’igihugu. Kugeza ubu ubwandu bushya buri ku kigero cya 3.9%.

Usibye abarwayi bashya babonetse, abagera kuri 16 binjijwe mu bitaro aho bagomba kwitabwaho byihariye n’abaganga; bane gusa ni bo basezerewe mu bitaro nyuma y’uko ibipimo byerekanye ko nta virus bagifite mu mibiri yabo. Abarwayi barembye bo ni 13.

Umubare w’abandura ukomeje kugabanuka ahanini bijyanye no kuba abenshi bakomeje guhabwa inkingo za COVID-19. Kuva ibi bikorwa byatangira ku wa 5 Werurwe 2021, mu Rwanda hamaze gukingirwa abantu 1.666.457 bahawe dose ya mbere barimo 2.247 bayifashe uyu munsi; mu gihe abakingiwe byuzuye ari 920.197 barimo 5.672 bahawe dose ya kabiri.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .