00:00:00 IGIHE NETWORK KN KINYARWANDA EN ENGLISH FR FRANCAIS

Abantu batanu bishwe na Covid-19, handura 352

Yanditswe na IGIHE
Kuya 5 Nzeri 2021 saa 12:23
Yasuwe :
0 0

Minisiteri y’Ubuzima yatangaje ko mu bipimo byafashwe mu masaha 24 ashize, abantu 352 basanganywe ubwandu bwa Covid-19 mu gihe abagera kuri batanu (abagore babiri n’abagabo batatu) ari bo bahitanywe na yo.

Iyi mibare yagaragaye mu bipimo 12 232 byafashwe mu munsi umwe mu gihe kuva Covid-19 yagera mu Rwanda hamaze gufatwa ibipimo 2 498 157.

Abantu 1117 nibo bamaze gupfa bazize iki cyorezo nk’uko inzego z’ubuzima mu Rwanda zibitangaza.Bigaragara ko muri iyi minsi kigenda kigabanya umurindi kuko nk’ubu abarwayi bari mu bitaro ari 24.

Ibikorwa byo gukingira na byo birakomeje aho abarenga miliyoni 1,6 bamaze guhabwa doze imwe mu gihe abahawe ebyiri ari 890 715.

Uturere twagaragayemo ubwandu buri hejuru ni Karongi yari ifite abantu 46, Nyagatare 45, Gicumbi 36, Ngororero 35 kimwe na Ngoma. Ni mu gihe Umujyi wa Kigali wagaragayemo 33.

Uturere twa Gisagara, Nyamagabe, Nyaruguru, Ruhango, Gatsibo, Kayonza, Kirehe Rwamagana na Rutsiro nta bwandu bushya bwatugaragayemo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .