00:00:00 IGIHE NETWORK KN KINYARWANDA EN ENGLISH FR FRANCAIS

Amafoto 50 yaranze ubukwe bwa Patient Bizimana: Bamporiki yamugabiye inka

Yanditswe na IGIHE
Kuya 20 Ukuboza 2021 saa 11:31
Yasuwe :

“Ndumva amagambo ari menshi, ariko reka nkubwire. Nibaza ko abantu benshi batakuzi, ariko ndatekereza ko Imana yari yaraguhishe kugira ngo ikundemere. Ntibakuzi, ni njye ukuzi.’’ Ibi bikubiye mu isezerano Patient Bizimana yahaye umugore we Karamira Uwera Gentille nyuma yo guheshwa umugisha wo kurushinga mu rusengero.

Ku wa 19 Ukuboza 2021 ni bwo Umuhanzi Patient Bizimana wubatse izina mu kuramya no guhimbaza Imana yarushinze na Karamira Uwera Gentille usanzwe utuye muri Leta Zunze Ubumwe za Amerika.

Umuhango wo gusezerana kw’aba bombi wabereye mu rusengero rwa Evangelical Restoration Church (ERC) i Masoro. Basezeranyijwe n’umugore wa Apôtre Ndagijimana Joshua Masasu, Pasiteri Lydia Masasu.

Ubwo yambikaga umugore we impeta mu rusengero, Patient Bizimana yamubwiye amagambo aryoheye ugutwi ko Imana yamumuremeye ngo azamubere icyuzuzo mu buzima asigaje ku Isi.

Imbere y’imbaga y’abakirisitu uyu muhanzi yabwiye umugore we ko ‘Imana yari yaraguhishe ngo ikundemere.’

Nyuma yo guhamya isezerano imbere y’Imana n’abantu, Patient Bizimana, yakiriye abatumirwa be muri Romantic Garden ku Gisozi mu Mujyi wa Kigali. Aha ni naho hari habereye umuhango wo gusaba no gukwa mu gitondo cyo ku Cyumweru.

-  Patient Bizimana yagabiwe inka n’abarimo Bamporiki

Munyaribanje Léonard ubyara Bizimana Patient nyuma y’igihe asaba umuhungu we kurongora, yabonesheje amaso ye ibirori by’ubukwe yari amaze igihe ategereje.

Uyu musaza yagabiye umwana we inka, anamwifuriza urugo rwiza.

Yagize ati “Ni ibyishimo byinshi cyane. Aba bana batweretse ibirori byiza tutazibagirwa. Aba bana ni abacu, ndabubakiye. Mbahaye inyana y’ishashi.’’

Yanabahaye Bibiliya nk’ijambo ry’Imana bazajya bitwaza mu rugendo rushya batangiye.

Inka Patient Bizimana yahawe na se ni iya gatatu yatangiwe mu ruhame. Muri Mata 2018, Bizimana Patient yahawe inka na se umubyara, anamusaba gushinga urugo rwe bitarenze uwo mwaka.

Icyo gihe, Bizimana yatunguwe n’umubyeyi we wamusabiye imbere y’imbaga y’abitabiriye Easter Celebration muri Parking ya Stade Amahoro, ku wa 1 Mata 2018. Iki gitaramo cyatumiwemo Sinach wo muri Nigeria.

Yagize ati ‘‘Ndashimira Patient n’abo bafatanyije badushimishije. Umwaka ushize mu gitaramo cyawe cyabereye muri Kigali Convention Centre (17 Mata 2017) naguhaye inka, ubu iri konsa. Ngiye kuguha indi ariko ndashaka ko uyibyaza umusaruro, tuzajya tuza tuvuga ko tugiye mu rugo rwa Patient. Ndifuza ko uyu mwaka wa 2018 ugira urugo rwawe.’’

Ibyishimo bya Munyaribanje Léonard abisangiye n’abandi bitabiriye ubukwe bwa Patient Bizimana.

Ku isonga hari Umunyamabanga wa Leta muri Minisiteri y’Urubyiruko n’Umuco, Bamporiki Edouard, na we wagabiye uyu muhanzi inka.

Mu ijambo rimwe, Patient Bizimana yabwiye IGIHE ko ‘yashimishijwe n’urukundo yeretswe n’abitabiriye ubukwe bwe barimo na Minisitiri Bamporiki.’

Umunyamabanga wa Leta muri Minisiteri y’Urubyiruko n’Umuco, Bamporiki Edouard, yagabiye Patient Bizimana na Uwera inka

-  Abahanzi baherekeje mugenzi wabo wavuye mu buseribateri

Ubukwe bwa Patient Bizimana bwatashywe n’ibyamamare bitandukanye kuva ku bahanzi, abanyamakuru n’abandi bazwi mu ruhando rw’imyidagaduro mu Rwanda.

Abahanzi bazwi bifatanyije na Patient Bizimana barimo Uwimana Aimé, Alexis Dusabe, Israel Mbonyi, Serge Iyamuremye, Papi Clever, Fabrice, James na Daniella n’abandi.

Baririmbye basa n’abakoze korali imwe, bahuza imbaraga mu ndirimbo zirimo “Urwakwiriye gushimwa” ya Uwimana Aimé; “Mfite umukunzi’’ na “Umuyoboro” za Dusabe Alexis na “Mpa Amavuta” ya James na Daniella

Patient Bizimana wakururwaga n’inganzo ya bagenzi be na we yafashe micro, ashima Imana avuga ko ari iyo kwizerwa kuko ‘isezeranya igasohoza’.

Yahise yanzika mu yitwa “Eh Yahweh Kumama”, indirimbo yakunzwe cyane ndetse irabyinwa karahava.

Abahanzi batashye ubukwe banafatanyije n’abageni gukata umutsima ukoze mu ishusho ya piano, igicurangisho kiri mu bifite amateka mu buzima bw’umuhanzi nka Patient Bizimana uri mu bahetse ibendera ry’umuziki uhimbaza Imana.

  • Patient Bizimana yahamirije isezerano mu rusengero
Patient Bizimana yari yishimiye uyu munsi w'amateka mu buzima bwe
Mbere y'uko umugore wa Patient Bizimana atwikururwa uyu mugabo yari ari gushima Imana ku bw'uyu munsi
Karamira Uwera Gentille na Patient Bizimana basezeranye kubana akaramata
Karamira Uwera Gentille yambika impeta Patient Bizimana
Wari umunsi w'amateka kuri Patient Bizimana
Patient Bizimana yasabiye umugisha urugo rwe
Patient Bizimana yarushinze nyuma y'imyaka itatu abisabwe na se
Patient Bizimana ahoberana n'umugore we
Patient Bizimana atwikurura umugore we
Patient Bizimana n'umugore we bapfukamye urugo rwabo ruhabwa umugisha
Simon Kabera yaririmbiye Patient Bizimana yabereye 'parrain'
Abantu bafataga amafoto y'urwibutso y'ubukwe bwa Patient Bizimana
Gaby Kamanzi yaririmbye mu bukwe bwa mugenzi we basengana
  • Ubukwe bwa Patient Bizimana bwatashywe n’ibyamamare bitandukanye
Ubukwe bwa Patient Bizimana bwabereye muri Romantic Garden
Gâteau yateguriwe abageni yari iteye amabengeza
Rev Alain Numa ni we wari umushingwabirori
Rev Alain Numa ubwo yashyikirizwaga icyo kunywa n'umukobwa w'uburanga
Rev Alain Numa afungura champagne yateguwe mu bukwe
Umuhanzi Patient Bizimana na Karamira Uwera Gentille bakata umutsima bateguriwe
Patient Bizimana n'umugore we bafashijwe, uyu muhanzi azamura amaboko aha Imana icyubahiro
Karamira Uwera yasohorejwe isezerano
Nubwo bwari ubukwe, abageni n'ababagaragiye bafashijwe n'indirimbo zaririmbwe
Patient Bizimana yahaye Imana icyubahiro ku munsi usobanuye byinshi mu buzima bwe
Producer Ishimwe Clement (ibumoso) na Platini P batashye ubu bukwe
Umunyamabanga wa Leta muri Minisiteri y’Urubyiruko n’Umuco, Bamporiki Edouard, yatashye ubu bukwe
Abahanzi barimo Serge Iyamuremye (uhereye ibumoso), Papi Clever na Fabrice baririmbiye Patient Bizimana
Umuramyi Israel Mbonyi yari afite akanyamuneza
Papi Clever (hagati) usanzwe ari inshuti ya Patient Bizimana, banasubiranyemo indirimbo "Utwumvire" yaririmbye mu bukwe bwe
Umunyempano mu bahanzi bahimbaza Imana, Israel Mbonyi yataramye biratinda
Patient Bizimana yashyingiwe na Karamira Gentille. Uyu muhanzi yagaragiwe na Simon Kabera nka "parrain''
Serge Iyamuremye, Alexis Dusabe na Daniella banyuze benshi mu batashye ubu bukwe
Patient Bizimana na we yafatanyije n'abandi kubyinira Imana
Byari ibihe by'umunezero kuri Patient Bizimana n'inshuti n'imiryango ye
Patient Bizimana yaririmbye indirimbo yitwa “Eh Yahweh Kumama”
Patient Bizimana ni umuramyi umaze gushinga imizi kuko umuziki yawutangiye akiri muto
Patient Bizimana yafatanyaga n'umugore we kubyina no gutambira Imana
Simon Kabera yatuye amagambo meza ku muryango mushya wa Patient Bizimana
Patient Bizimana na Uwera bakoze ubukwe bubereye ijisho
Patient Bizimana yarushinze na Uwera uba muri Amerika
Patient Bizimana yasezeranye mu mategeko na Uwera muri Kamena 2019
Aimable Twahirwa usanzwe ari Umuyobozi ushinzwe Iterambere ry'Umuco muri Minisiteri y'Urubyiruko n'Umuco, ni we wavuze ubutumwa mu izina ry'abandi bahanzi
Umuyobozi ushinzwe Iterambere ry'Umuco muri Minisiteri y'Urubyiruko n'Umuco, Aimable Twahirwa, yashimye uruhare rwa Patient Bizimana mu muziki w'u Rwanda
Patient Bizimana n'abahanzi batashye ubukwe bwe, bafatanyije gukata umutsima ukoze mu ishusho ya piano
Umutsima wateguwe wariho ifoto ya Patient Bizimana n'umugore we Karamira Uwera
Patient n'umugore we bafashe ifoto y'urwibutso n'abo mu ruhando rw'imyidagaduro batashye ubukwe bwabo
Abahanzi barimo Israel Mbonyi, Alexis Dusabe, James na Uwimana Aimé batashye ubukwe bwa Patient Bizimana
Patient Bizimana na Uwera bafashe ifoto y'urwibutso n'abatashye ubukwe bwe barimo Umunyamabanga wa Leta muri Minisiteri y’Urubyiruko n’Umuco, Bamporiki Edouard
Aline Gahongayire na we yatashye ubukwe bw'umuhanzi Patient Bizimana. Aba bombi bananyuze mu biganza bya Moriah Entertainment ya Mashukano Eric
Uhereye ibumoso ni Gaby Kamanzi, Uwimana Aimé, James na Daniella, Alexis Dusabe na Israel Mbonyi bari bafite akanyamuneza
5K Etienne, Bayingana David, Mazimpaka Japhet na Alexis Muyoboke batashye ubu bukwe

Amafoto: Nezerwa Salomon

Munyakuri Prince- ERC Masoro

Video: Iraguha Jotham


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .