00:00:00 IGIHE NETWORK KN KINYARWANDA EN ENGLISH FR FRANCAIS

Mukayiranga, Umusifuzi mpuzamahanga yambitswe impeta n’umukunzi we

Yanditswe na IGIHE
Kuya 16 February 2022 saa 09:43
Yasuwe :

Mukayiranga Régine usanzwe ari umusifuzi mpuzamahanga wo ku ruhande, yambitswe impeta n’umukunzi we, Ayabagabo Faustin wamusabye kuzamubera umugore w’isezerano, undi ahita abimwemerera.

Ni umuhango wabereye mu Murenge wa Kanombe ku wa Kabiri, tariki 14 Gashyantare 2022, ubwo hizihizwaga Umunsi wahariwe Abakundana.

Mukayiranga yambitswe impeta agaragiwe n’inshuti ze ndetse n’umubyeyi we yari yamuherekeje ubwo yasabwaga na Ayabagabo kumubera umugore.

Mu gihe Mukayiranga na Ayabagabo bagiranaga ibihe byiza byo ku Munsi w’Abakundana, uyu musore yahise asaba umukobwa kuzamubera umugore ndetse anamwambika impeta ibihamya. Uyu mukobwa na we yabyemeye atazuyaje.

Aganira na IGIHE, Mukayiranga yavuze ko umukunzi we bamaze igihe bari mu munyenga w’urukundo.

Yakomeje ati “Yego. Tumaranye imyaka itatu dukundana. Turitegura ubukwe muri uyu mwaka, nta gihindutse ni muri Gicurasi.”

Ubusanzwe Mukayiranga asifura muri Shampiyona y’Icyiciro cya Mbere mu bagabo ndetse ajya anasifura imikino mpuzamahanga ku rwego rw’Impuzamashyirahamwe y’Umupira w’Amaguru muri Afurika, CAF n’Ishyirahamwe ry’Umupira w’Amaguru ku Isi, FIFA.

Ayabagabo Faustin yambitse impeta Mukayiranga Régine bitegura kurushinga muri Gicurasi 2022
Mama we yamushyigikiye ubwo yambikagwa impeta
Wari umunsi w'akanyamuneza kuri Mukayiranga nyuma yo kwambikwa impeta
Yambitswe impeta y'urukundo, asabwa kuba umugore wa Ayabagabo Faustin
Mukayiranga ari mu basifuzikazi bahagaze neza
Mukayiranga asifura imikino itandukanye yo mu Cyiciro cya Mbere cy'Abagabo
No ku mikino y'abagabo ahabwa amahirwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .