00:00:00 IGIHE NETWORK KN KINYARWANDA EN ENGLISH FR FRANCAIS

Ingabo za Iraq zafashe umwe mu bayobozi bakuru ba ISIS

Yanditswe na Bukuru JC
Kuya 12 Ukwakira 2021 saa 07:33
Yasuwe :
0 0

Ingabo za Iraq zatangaje ko zafashe Sami Jasim, umwe mu bayobozi bakuru wari ushinzwe imari mu mutwe w’iterabwoba wa ISIS.

Minisitiri w’Intebe wa Iraq, Mustafa Al-Kadhimi ntabwo yatangaje uko igikorwa cyo kumufata cyagenze , gusa yavuze ko afungiye hanze ya Iraq.

Jasim yari icyegera gikomeye cya Abu Bakr Al-Baghdadi wahoze ayobora ISIS mbere yo kwicwa n’ingabo za Amerika mu 2019.

Jasim uzwi nka Abu Asya, yabaye ushinzwe imari muri ISIS guhera mu 2015. CNN yatangaje ko yabaga mu mujyi wa Mosul guhera mu 2012 mbere yo guhura na Baghdadi bakemeranya gukorana.

Mu 2019, Leta Zunze Ubumwe za Amerika zemeye gutanga miliyoni 5 z’amadolari ku muntu wese uzatanga amakuru azatuma Jasim afatwa. Icyo gihe we n’abandi bayobozi babiri muri ISIS bari bari guhigishwa uruhindu.

Sami Jasim yari amaze igihe ashinzwe imari muri ISIS

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .