00:00:00 IGIHE NETWORK KN KINYARWANDA EN ENGLISH FR FRANCAIS

Cameroun: Umusenateri utavuga rumwe na Leta yishwe arashwe

Yanditswe na Bukuru JC
Kuya 12 Mutarama 2022 saa 12:58
Yasuwe :

Umusenateri utavuga rumwe na Leta ya Cameroun, Henry Kemende, yishwe arashwe n’abantu bataramenyekana.Kamende w’ishyaka Social Democratic Front (SDF) ritavuga rumwe na Leta, yiciwe mu Mujyi wa Bamenda mu Majyaruguru ashyira Uburasirazuba.

BBC yatangaje ko abantu bitwaje intwaro babanje kumusaba kuva mu modoka, bagahita bamurasa mu gituza.

Umuvugizi w’ishyaka, Denis Nkelemo yatangaje ko bataramenya impamvu senateri Kamende yarashwe.

Bamenda ni umujyi ukoresha cyane ururimi rw’Icyongereza muri Cameroun. Ni na wo mujyi wabaye imbarutso yo gushwana kw’abasaba kwigenga kw’igice gikoresha Icyongereza n’igikoresha Igifaransa.

Umuryango International Crisis Group uvuga ko imirwano hagati y’ingabo n’abashaka ubwigenge imaze guhitana abantu basaga ibihumbi bitandatu mu gihe abasaga miliyoni bavuye mu byabo guhera mu 2017.

Ubu bwicanyi bubaye mu gihe Cameroun iri kwakira amarushanwa y’umupira w’amaguru ku Mugabane wa Afurika azwi nka CAN. Guverinoma yijeje abitabiriye ayo marushanwa ko umutekano wabo urinzwe.

Senateri Henry Kemende yishwe n'abataramenyekana muri Cameroun

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .