00:00:00 IGIHE NETWORK KN KINYARWANDA EN ENGLISH FR FRANCAIS

U Rwanda rwakuwe mu cyiciro cy’ibihugu bifite ubwandu bwa COVID-19 buri hejuru

Yanditswe na Iradukunda Serge
Kuya 13 Ukwakira 2021 saa 10:35
Yasuwe :
0 0

Ikigo Gishinzwe kurwanya indwara z’ibyorezo, CDC, cyashyize u Rwanda mu cyiciro cy’ibihugu, aho umuntu aba afite ibyago bigereranyije byo kwandura icyorezo cya COVID-19, nyuma y’uko rukuwe mu cyiciro gishyirwamo ibihugu birimo ubwandu bw’iki cyorezo bwo ku kigero cyo hejuru.

U Rwanda rwari rumaze iminsi ruri mu cyiciro kizwi nka ‘Level 3’. Igihugu kiri muri iki cyiciro biba bivuze ko gifite ubwandu bwa COVID-19 buri ku kigero cyo hejuru.

Ababikoreramo ingendo basabwa kuba barakingiwe mu buryo bwuzuye, abatarabikoze bagasabwa kwirinda kubijyamo niba atari ku mpamvu zihutirwa.

Ku wa 12 Ukwakira 2021 nibwo u Rwanda rwakuwe muri iki cyiciro rushyirwa muri ‘Level 2’. Iki cyiciro gishya u Rwanda rugiyemo, gishyirwamo ibihugu bifite ubwandu bwa COVID-19 bugereranyije.

Kimwe na ‘Level 2’ abagenzi bajya bihugu biri muri iki cyiciro basabwa kuba barakingiwe, gusa ho hakazamo itandukaniro ry’uko n’abatarakingiwe baba babikoreramo ingendo cyereka igihe bafite uburwayi karande.

Uretse u Rwanda muri iki cyiciro harimo ibindi bihugu bitandukanye nk’u Buhinde, Angola, Misiri, Zimbabwe, Zambia na Togo.

Icyiciro kibanziriza iki ni ikizwi nka ‘Level 1’. Iki kiba kirimo ibihugu bifite ubwandu bwa COVID-19 buri ku kigero cyo hasi.

Kuva u Rwanda rwatangira gukingira umubare munini w’abarutuye, abandura n’abahitanwa na COVID-19 batangiye kugabanuka ku buryo bwa mbere mezi ane ashize ku wa Mbere tariki 11 Ukwakira 2021, nta muntu n’umwe wahitanywe n’icyo cyorezo.

Muri Nzeri 2021 nibwo u Rwanda rwakingiye 10% by’abaturage barwo babarirwa muri milyoni 13, bituma rwesa umuhigo washyizweho n’Ishami ry’Umuryango w’Abibumbye ryita ku Buzima (OMS) wo kugera muri Nzeri 2021 nibura buri gihugu kimaze gukingira 10% by’abaturage bacyo.

Kugeza ubu mu Rwanda hamaze gukingirwa mu buryo bwuzuye abantu 1.702.654 kuva ibi bikorwa byatangira ku wa 5 Werurwe 2021.

Minisante yatangaje ko nubwo ibintu bitarajya mu buryo, akamaro ko kuba abaturage bari gukingirwa ku bwinshi kari kwigaragaza.

U Rwanda rwakuwe mu cyiciro cy’ibihugu bifite ubwandu bwa COVID-19 buri hejuru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .