00:00:00 IGIHE NETWORK KN KINYARWANDA EN ENGLISH FR FRANCAIS

Meteo Rwanda yatanze umuburo ku myuzure n’inkangu bizaturuka ku mvura muri uku kwezi

Yanditswe na IGIHE
Kuya 7 May 2022 saa 07:39
Yasuwe :

Ikigo cy’Igihugu cy’iteganyagihe mu Rwanda cyatangaje ko muri uku kwezi kwa Gicurasi 2022 hateganyijwe imvura iri hagati ya milimetero 50 na 200, aho igice cy’amajyaruguru kizagira imvura iruta iyo mu majyepfo.

Iki kigo kivuga ko bitewe kandi n’imvura yabonetse mu gice cya gatatu cya Mata 2022 ubutaka bukaba bwaramaze gusoma, hateganyijwe imyuzure n’inkangu byateza ingaruka zirimo kwangirika kw’imyaka n’ibikorwa remezo cyane cyane ahateganyijwe imvura nyinshi.

Hateganyijwe kandi ingaruka nziza ku bihingwa byihanganira amazi ndetse n’inzuri z’amatungo bizatuma umusaruro ubikomokaho wiyongera.

Ubushyuhe bwo mu Nyanja y’Abahinde buzaba buri ku kigero gisanzwe naho ubwo mu Nyanja ya Pasifika bukaba buri munsi y’ikigero cy’ubushyuhe busanzwe, bikaba biri muri bimwe bizatera imvura iteganyijwe mu karere u Rwanda ruherereyemo hiyongereyeho isangano ry’imiyaga rigenda ryerekeza mu gice cya ruguru cy’Isi.

Biteganyijwe ko muri uku kwezi imvura izakomeza kuboneka mu gihugu ahenshi cyane cyane mu ntara y’Amajyaruguru n’iy’Iburengerazuba.

Muri Mata 2022 mu gice cya gatatu cy’ukwezi, ibice byinshi by’igihugu cyane cyane mu ntara y’Amajyaruguru, iy’Iburengerazuba, n’Umujyi wa Kigali haranzwe n’imvura yabaye nyinshi imyuzure n’inkangu byagize ingaruka kubihingwa, ibikorwa remezo n’ubuzima.

Muri rusange igiteranyo cy’imvura yaguye muri uku kwezi cyari hejuru y’impuzandengo y’imvura isanzwe igwa muri uku kwezi mu gihe k’imyaka myinshi mu bice byinshi by’igihugu.

Imvura izagwa muri Gicurasi 2022 ishobora guteza inkangu n'imyuzure

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .