00:00:00 IGIHE NETWORK KN KINYARWANDA EN ENGLISH FR FRANCAIS

Urubuga nkoranyambaga rwa Trump rugiye kumurikwa

Yanditswe na Umwali Zhuri
Kuya 7 Mutarama 2022 saa 11:07
Yasuwe :

Tariki 21 Gashyantare nibwo urubuga nkoranyambaga rwa Donald Trump wahoze ari Perezida wa Leta Zunze Ubumwe za Amerika ruzamurikwa ndetse rukazatangira ruri kuri Apple Store.

Uru rubuga ruzaba rwitwa “Truth Social” ntabwo uburyo rukora biramenyekana, gusa ababikurikiranira hafi basobanura ko rutazaba rutandukanye cyane n’imikorere isanzwe ya Facebook.

Trump yafashe umwanzuro wo gushinga uru rubuga nyuma y’aho akumiriwe kuri Twitter azira amagambo ashyigikira imyigaragambyo yakurikiye itorwa rye muri Mutarama 2021. Ni imyigaragambyo yagejeje aho abamushyigikiye birara mu ngoro y’Inteko Ishinga Amategeko.

Uyu mugabo asobanura ko uru rubuga nkoranyambaga rwe ruzaha abantu amahitamo mashya ku buryo badakomeza kwiringira izindi ashinja ko zibogama.

Rwakozwe n’itsinda ry’abahanga mu ikoranabuhanga ba Trump ryitwa Trump Media and Technology Group. Ruri gukoreshwa ubu n’abantu bake batoranyijwe mu gihe hategerejwe ko rumurikwa.

Bibarwa ko uru rubuga rufite agaciro ka miliyari 10$ na mbere y’uko rumurikwa, bigaragaza uburyo ruhanzwe amaso n’ingeri nyinshi.

Tariki ya 21 Gashyantare nibwo uru rubuga ruzamurikwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .