00:00:00 IGIHE NETWORK KN KINYARWANDA EN ENGLISH FR FRANCAIS

Jason Momoa wamamaye muri ‘Game of Thrones’ yatandukanye n’umugore we

Yanditswe na Uwiduhaye Theos
Kuya 14 Mutarama 2022 saa 07:36
Yasuwe :

Jason Momoa na Lisa Bonet wari umugore we bose bamenyekanye mu ruganda rwa sinema muri Amerika, bafashe umwanzuro wo gutandukana nyuma y’igihe bari bamaze babana nk’umugabo n’umugore.

Jason Momoa yanditse kuri Instagram agaragaza itangazo rivuga ko we n’umugore we batandukanye ariko urukundo hagati yabo rukazakomeza kubaho bitewe n’ubuzima bwabo.

Ati “Turabasangiza amakuru y’umuryango wacu ko tugiye gutandukana nk’abashakanye. Tubasangije ibi atari uko mwari mukwiye kubimenya ariko nk’uko tubigenza mu buzima bwacu dushobora kubikora mu rwego rwo kuba inyangamugayo n’abanyakuri. Urukundo hagati yacu ruzakomeza, rukure mu buryo rushaka kuba rumeze. Twahanye ubwisanzure hagati yacu turi kwiga kuba uwo dushaka kuba we.”

Uyu mukinnyi wa filime afite abana babiri yabyaranye na Lisa Bonet batandukanye. Bafitanye umuhungu witwa Nakoa-Wolf Manakauapo Namakaeha Momoa w’imyaka 13 ndetse n’umukobwa we witwa Lola Iolani Momoa.

Lisa Bonet afite undi mwana w’umukobwa w’imyaka 33 witwa Zoë Kravitz yabyaranye na Lenny Kravitz wabanye n’uyu mugore mu 1987 kugeza mu 1993.

Joseph Jason Namakaeha Momoa wamenyekanye nka Jason Momoa w’imyaka 42 na Lisa Michelle Bonet wamamaye nka Lisa Bonet muri sinema ya Amerika, bashakanye mu 2017.

Bari barabanje guhura mu 2005 mbere y’uko Momoa amenyekana cyane muri Game of Thrones nka Khal Drogo mu 2011. Uyu mugabo yanamenyekanye muri ‘Aquaman’ mu 2018.

Momoa bahura yari asanzwe ari umufana wa Bonet kuva mu myaka yo mu 1980 ubwo yakinaga yitwa as Denise Huxtable muri “The Cosby Show”. Icyo gihe uyu mugabo yari umwana.

Jason Momoa yigeze kubwira umunyamakuru James Corden mu kiganiro “The Late Late Show” ko yakunze uyu mugore kuva mu bwana bwe. Ati “Kuva mfite nk’imyaka umunani naramubonye kuri televiziyo, naravugaga nti mama nshaka uyu. Naravugaga nti ngiye kujya nkuneka ubuzima bwanjye bwose, ngiye kukwiharira.”

Ubwo aba bombi bahuraga bwa mbere byahise byikora barahuza baranakundana. Babanje gukundana ndetse banabyarana umwana wa mbere mu 2007, mu 2017 bahitamo gusezerana kubana akaramata.

Batandukanye nyuma y'imyaka 16 bakundana
Aba bombi bari bagiye kumara imyaka itanu babana nk'umugabo n'umugore
Jason Momoa na Lisa Bonet bavuze ko batandukanye ariko bazakomeza gufatanya kurera abana no kuba inshuti

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .