00:00:00 IGIHE NETWORK KN KINYARWANDA EN ENGLISH FR FRANCAIS

RIB yafashe abayiyitiriye bavuga iby’uwateguraga Miss UTAB watawe muri yombi

Yanditswe na Nsengiyumva Emmy
Kuya 14 May 2022 saa 10:47
Yasuwe :

Urwego rw’Igihugu rw’Ubugenzacyaha (RIB) rwatangaje ko rwamaze guta muri yombi abasore babiri barwiyitiriye bagakwirakwiza ko hari umwe mu bateguraga irushanwa ry’umukobwa uhiga abandi mu bwiza muri Kaminuza y’Ikoranabuhanga n’Ubugeni ya Byumba (Miss UTAB) wafashwe akurikiranyweho gusaba ruswa ishingiye ku gitsina abahataniraga ikamba.

Aba basore bari bahimbye ubutumwa biyitiriye Urwego rw’Igihugu rw’Ubugenzacyaha, bugira buti “ Tuyishimire Emmanuel yatawe muri yombi kubera ibyaha akurikiranyweho byo kwaka ruswa ishingiye ku gitsina abakobwa bari guhatanira ikamba rya Miss UTAB, yitwaje ko ari mu bavuga rikijyana mu kigo bityo ngo yabafasha kwegukana ikamba.”

Bubinyujije kuri Twitter, ubuyobozi bwa RIB bwemeje ko bwamaze guta muri yombi abasore babiri bahimbye ubu butumwa.

Buti “Abitwa Tuyishimire Emmanuel na Ishimwe Yarakoze Seth, bakoze iyi Tweet bagatangaza ibihuha bafashwe uyu munsi n’Urwego rw’Ubugenzacyaha (RIB).”

Aba bombi bakurikiranweho ibyaha byo gutangaza amakuru y’ibihuha no kwiyitirira umwirondoro bihanwa n’ingingo ya 39 n’iya 40 z’itegeko ryo gukumira no guhana ibyaha bikoreshejwe ikoranabuhanga.

RIB yaboneyeho kuburira abaturarwanda ibasaba kwitwararika mu buryo bakoresha imbuga nkoranyambaga kuko bishobora kubagusha mu byaha.

Amakuru IGIHE yamenye ni uko ubu butumwa bwahimbwe n’abasore babiri barimo Tuyishimire Eammanuel uri mu banyeshuri bashya muri Kaminuza y’Ikoranabuhanga n’Ubugeni ya Byumba (UTAB) n’inshuti ye Ishimwe Yarakoze Seth.

Umwe mu bayobozi b’iyi Kaminuza waganiriye na IGIHE ku wa Gatanu tariki 13 Gicurasi 2022, yahishuye ko Tuyishimire yamaze kwemera ko ari we wahimbye ubwo butumwa afatanyije n’inshuti ye itiga muri iki kigo.

Indi nkuru wasoma: UTAB yahagaritse amarushanwa y’ubwiza nyuma y’urunturuntu muri Miss Rwanda

RIB yataye muri yombi abayiyitiriye bagakwirakwiza ko hari umwe mu bateguraga Miss UTAB watawe muri yombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .