00:00:00 IGIHE NETWORK KN KINYARWANDA EN ENGLISH FR FRANCAIS

Tyga yashinjwe n’uwahoze ari umukunzi we kumukubita

Yanditswe na Uwiduhaye Theos
Kuya 12 Ukwakira 2021 saa 07:58
Yasuwe :
0 0

Umuraperi w’Umunyamerika Micheal Ray Nguyen-Stevenson wamenyekanye nka Tyga, yashinjwe na Camaryn Swanson wahoze ari umukunzi we kumuhohotera ubwo yamuhamagaraga iwe yarangiza akamukubita.

TMZ yatangaje ko uyu mukobwa mu rukerera rwo ku wa Mbere, tariki 11 Ukwakira 2021, ari bwo yasakuzaga ari hanze y’inyubako y’uyu muhanzi. Abo mu muryango w’uyu muhanzi babwiye iki kinyamakuru ko byagaragaraga ko uyu mukobwa yasinze ariko Tyga akamureka akinjira bakavugana.

Ubwo aba bombi binjiraga mu ntonganya Tyga yakubise n’ibiganza bye uyu mukobwa. Hari amakuru yavugaga ko Camaryn yaje atatumiwe ariko yifashishije imbuga nkoranyambaga yerekanye ubutumwa bugufi yandikiranye na Tyga mbere yo kujyayo. Ndetse hari ahagaragaza ko Tyga yari yamwereye kumwoherereza imodoka iza kumujyana iwe saa Cyenda za mu gitondo.

Nyuma nyina w’uyu mukobwa yaje kumucyura, ndetse banahamagara polisi ngo ize kureba ibyabaye.

Polisi ubwo yazaga mu rugo rwa Tyga yasanze uyu mukobwa afite ibikomere bigaragarira amaso, ndetse itanga raporo y’uko habayeho ihohoterwa ryo mu rugo. Tyga ntabwo yigeze afungwa ndetse yanze kuvugisha polisi ahitamo kujya ku kicaro cyayo kuri uyu wa Kabiri ngo ababwire uruhande rwe.

Tyga na Camaryn bakundanye mu ntangiriro za 2020 ndetse batangira kubigaragaza muri Werurwe uwo mwaka. Ntabwo igihe batandukaniye kigeze kimenyekana neza.

Tyga na Camaryn Swanson barakundanye karahava
Aba bombi bahoze bakundana. Iyi foto yafashwe muri Nyakanga uyu mwaka basohokanye
Camaryn yavuze ko Tyga yamuvushije amaraso

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .