00:00:00 IGIHE NETWORK KN KINYARWANDA EN ENGLISH FR FRANCAIS

Abanyamahirwe batangiye gutsindira ibihembo muri tombora ya Canal+

Abanyamahirwe ba mbere batangiye gutsindira ibihembo birimo televiziyo, telefoni n’ibindi bishimishije muri tombora ‘Noheli Ishyushye’ ya Canal+ Rwanda imaze iminsi 10 itangiye.

Iyi tombora iri muri poromosiyo Canal+ yageneye abakiriya bayo mu rwego rwo kubafasha kuryoherwa n’iminsi mikuru bahabwa impano zinyuranye.

Umukiriya wa Canal+ uguze ifatabuguzi ari guhita ahabwa iminsi 15 areba amashene yose, akaninjira ako kanya muri tombora izatangwamo moto nk’igihembo nyamukuru.

Kuri uyu wa mbere tariki 29 Ugushyingo 2021, abanyamahirwe 29 ba mbere, batsindiye impano zirimo; televiziyo, telefoni zigwezweho, amatike yo kujya guhaha mu mahahiro agezweho, ndetse n’ifatabuguzi ry’ubuntu rizamara ukwezi kwose.

Mugorucyeye Aisha watsindiye itike yo kujya guhaha muri Simba Supermarket yishimiye iki gihembo yahawe, ati "Kuri njye, kugura Canal+ ni ingenzi cyane kuko nkunda kureba ama filime yabo meza, ndishimye kuba ntomboye kubera kugura ibyo nkunda."

Niyigena Eric utuye i Kabuga mu mujyi wa Kigali watsindiye televiziyo yaraguze ifatabuguzi ry’ibihumbi 5 Frw, yishimiye aya mahirwe ndetse ahamya ko televiziyo atsindiye izajya imufasha kuryoherwa n’amashusho ya Canal+.

Jules Wanda, Umuyobozi w’Ishami rishinzwe kwamamaza no gufata neza abakiriya muri Canal+ Rwanda, yashimangiye ko muri iyi minsi mikuru, biyemeje gushimira abakiriya babo babagenera impano zinyuranye.

Wanda yaboneyeho kandi gukangurira abadafite dekoderi kuzigura kugira ngo bazabashe kuryoherwa na gahunda z’iminsi mikuru ziteganyijwe gutambuka ku mashene ya Canal+.

Yasoje yibutsa abantu ko umukiriya wa Canal+ wifuza kugura ifatabuguzi ashobora kugana iduka ryabo rimwegereye cyangwa agakoresha telefoni ngendanwa, aho kuri MTN MOMO akanda (*182*3*1*4#), mu gihe kuri Airtel Money ari ugukanda (*500*7#).

Mugorucyeye Aisha yatsindiye itike yo kujya guhaha muri Simba Supermarket
Eric Muyango wegukanye telefone
Niyigena Eric utuye i Kabuga mu mujyi wa Kigali yatsindiye televiziyo ayikesha ifatabuguzi ry’ibihumbi bitanu by’amafaranga y’u Rwanda

Special pages
. . . . . .